الماتىداعى تەراكت كەزىندە جارالانعان تاعى ءبىر پوليتسيا قىزمەتكەرى كوز جۇمدى

بۇل تۋرالى بۇگىن الماتى قالالىق ءى ءى د باسپا ءسوز قىزمەتىنەن حابارلادى.

«بۇگىن، 2016-جىلدىڭ 19- شىلدەسى كۇنى، 13 ساعات 45 مينۋتتا الماتى قالالىق جەدەل شۇعىل كومەك كورسەتۋ اۋرۋحاناسىنىڭ جانساقتاۋ بولىمىندە 1986-جىلى 15- شىلدەدە تۋعان، جول-پاترۋلدىك پوليتسياسىنىڭ مامانداندىرىلعان باتالونى قىزمەتىنىڭ اعا ينسپەكتورى تيمۋر بەگاسىلوۆ قايتىس بولدى.

ول اباي داڭعىلى بويىندا جول-پاترۋلدىك پوليتسياسىنىڭ مامانداندىرىلعان باتالونى ەكيپاجىنىڭ قۇرامىندا قىزمەت بابىندا بولعان. ر. كۇلەكبايەۆتىڭ قۇقىققا قارسى ارەكەتىنە تويتارىس بەرۋ بارىسىندا وق ءتيىپ جاراقات الدى.

ءسويتىپ، الماتى قالالىق جەدەل شۇعىل كومەك كورسەتۋ اۋرۋحاناسىنا وتە اۋىر حالدە جەتكىزىلدى. دارىگەرلەر جاس ءتارتىپ ساقشىسىنىڭ ءومىرىن امان الىپ قالۋ ءۇشىن قولدان كەلگەننىڭ بارلىعىن جاسادى.

ايتا كەتەلىك، پوليتسيا لەيتەنانتى تيمۋر تىلەۋ ۇلى بەگاسىلوۆ ىشكى ىستەر سالاسىندا 2015-جىلدىڭ قاڭتار ايىنان بەرى جۇمىس ىستەپ كەلگەن.

اۆتور: ايبوتا جاپپاربەرگەن