بۋرابايدا جىلۋ ەلەكتر ورتالىعى سالىنىپ جاتىر - نۇرسۇلتان نازاربايەۆ

استانا. قازاقپارات - اقمولا وبلىسى بۋراباي كۋرورتتىق ايماعىندا سۇحبات بەرگەن قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ تاۋەلسىزدىك جىلدارىندا كۋرورتتىق ايماق ينفراقۇرىلىمىنىڭ ايتارلىقتاي جاقسارعانىنا توقتالا كەلە، قازىرگى كەزدە ۇلتتىق ساياباق پرەزيدەنتتىڭ ءىس باسقارماسىنىڭ قاراۋىندا ەكەنىن اتاپ ءوتتى.

«بۇرىندارى بارلىق اۋىز سۋ جەرگىلىكتى كولدەردەن الىنعان بولاتىن، سوندىقتان ونداعى سۋ دەڭگەيى تومەندەي باستادى. سول سەبەپتى سەرگەيەۆ سۋ قويماسىنان سۋ قۇبىرىن جۇرگىزۋ مىندەتى قويىلدى. قازىر كولدەردەن سۋ تارتۋ توقتاتىلىپ، سۋ دەڭگەيى قالپىنا كەلدى»، - دەي كەلە پرەزيدەنت بۋراباي دەمالىس ايماعىنىڭ ينفراقۇرىلىمىن دامىتۋداعى ەكىنشى جانە ءۇشىنشى مىندەتتەردى اتادى.

«ەكىنشى مىندەت - ءوڭىردىڭ عاجاپ تابيعاتىن لاستاماس ءۇشىن ورتالىقتاندىرىلعان جىلۋ بەرۋمەن قامتاماسىز ەتۋ. وسى ماقساتتا جىلۋ ەلەكتر ورتالىعى سالىنۋدا. ءبىزدىڭ الدىمىزدا تۇرعان ءۇشىنشى مىندەت - سۋ قويمالارى مەن ورمانداردى لاستانۋدان ساقتايتىن تازارتۋ قۇرىلعىلارىن ورناتۋ»، - دەدى ەلباسى.

اۆتور: كەنجەكەي توقتامۇرات قىزى