22:07, 14 - شىلدە 2016 | GMT +5
باس پروكۋرور: باستى مىندەت - ەكسپو قاۋىپسىزدىگىن قامتاماسىز ەتۋ
استانا. قازاقپارات - باس پروكۋراتۋرادا وتكەن زاڭدىلىقتى، قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ وتىرىسىندا ءسوز سويلەگەن باس پروكۋرور جاقىپ اسانوۆ ەكسپو-نىڭ قاۋىپسىز ءوتۋىن ماڭىزدى مىندەت رەتىندە بەلگىلەدى.
«قازىر ەكسپو وبەكتىلەرى جوسپارعا ساي سالىنۋدا. كورمەگە 100 گە جۋىق مەملەكەت قاتىسپاق. ترانس ۇلتتىق كومپانيالار دا قىزىعۋشىلىق تانىتۋدا. جان-جاقتان 5 ميلليون قوناق كەلمەكشى. سوندىقتان ەڭ ماڭىزدىسى - قاۋىپسىزدىك شارالارى. بۇل ەڭ الدىمەن قۇقىق قورعاۋ ورگاندارىنا جۇكتەلگەن مىندەت. ول جونىندە پرەزيدەنتتىڭ قاتاڭ تاپسىرمالارى بار»، - دەدى ج. اسانوۆ.
سونداي-اق، ەكسپو قاۋىپسىزدىگىن ويلاستىرعاندا حالىقارالىق تاجىريبە ەسكەرىلەتىن بولادى. «ەكسپو-نىڭ قاۋىپسىز ءوتۋىنىڭ باستى شارتى - قۇقىق قورعاۋ ورگاندارىنىڭ بىرلەسكەن ۇيىمشىل قىزمەتى. ول ءۇشىن دامىعان ەلدەردىڭ وڭ جەتىستىكتەرىن الۋ كەرەك. جيناعان تاجىريبەمىزدى كەيىن ۇلگى رەتىندە وبلىس، ءتىپتى اۋدانداردا ەنگىزەتىن بولامىز»، - دەدى باس پروكۋرور.
