10:52, 13 - شىلدە 2016 | GMT +5
ەلباسى يتاليادا پويىزدار اپاتىندا قۇربان بولعاندارعا بايلانىستى كوڭىل ايتتى
استانا. قازاقپارات - مەملەكەت باسشىسى نۇرسۇلتان نازاربايەۆ يتاليا رەسپۋبليكاسىنىڭ پرەمەر- ءمينيسترى ماتتەو رەنتسيگە باري پروۆينتسياسىندا بولعان پويىزدار اپاتىنا بايلانىستى كوڭىل ايتۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتى.
قازاقستان پرەزيدەنتى جولاۋشىلار پويىزدارىنىڭ سوقتىعىسۋى سالدارىنان ونداعان يتاليالىق ازامات وپات بولعانى تۋرالى سۋىت حاباردى زور كۇيزەلىسپەن قابىلدادى.
نۇرسۇلتان نازاربايەۆ اۋىر قايعىعا ورتاقتاسا وتىرىپ، قازا بولعانداردىڭ تۋىستارى مەن جاقىندارىنا قازاقستان حالقىنىڭ جانە جەكە ءوزىنىڭ اتىنان كوڭىل ايتتى، سونداي- اق زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
