ەندى بالا تۋۋىنا بەرىلەتىن جاردەماقىنى ءبىر عانا وتىنىشپەن راسىمدەۋگە بولادى

بالا ومىرگە كەلگەن ساتتەن باستاپ اتا-اناسىنىڭ ءبىرى ءبىرجولعى جاردەماقى الۋعا جانە ءبىر جاسقا تولعانعا دەيىنگى بالا كۇتىمىنە بايلانىستى الەۋمەتتىك تولەمدەرگە قاقىسى بار. ەندى بۇل جاردەماقىلاردى «ازاماتتارعا ارنالعان» مەملەكەتتىك كورپوراتسياسىنىڭ فرونت-وفيستەرىندە ەلەكتروندىق ۇكىمەت پورتالى ارقىلى ءبىر عانا ءوتىنىش بەرىپ رەسىمدەۋگە بولادى.
«ازاماتتارعا ارنالعان» مەملەكەتتىك كورپوراتسياسىنىڭ فيليالى - ز ت م و ديرەكتورىنىڭ ورىنباسارى سەرىكحان سابىرجانوۆتىڭ ايتۋىنشا، اتا-انانىڭ ەلەكتروندىق سيفرلىق قولتاڭباسى بولعان جاعدايدا، «Connection point» ءوز-وزىنە قىزمەت كورسەتۋ سەكتورلارىندا نەمەسە ۇيدە وتىرىپ-اق اتالعان جاردەماقىلارعا ءوتىنىش بەرۋگە بولادى. ەلەكتروندىق ۇكىمەت پورتالى ارقىلى بەرىلگەن ءوتىنىش جاردەماقى تاعايىنداۋ تۋرالى شەشىم قابىلدايتىن زەينەتاقى تولەۋ جونىندەگى ورتالىققا اۆتوماتتى تۇردە جىبەرىلەدى. بۇرىن بۇل قىزمەتتى الۋ ءۇشىن ازاماتتار اتالمىش جاردەماقىلاردى تاعايىنداۋعا قاتىساتىن بارلىق مەملەكەتتىك ورگاندارعا ءوزى بارۋى قاجەت بولاتىن.
ايتپاقشى، ءبىر جاسقا دەيىنگى بالا كۇتىمىنە بايلانىستى الەۋمەتتىك تولەمدەردى ءوز بەتىنشە فورمۋلا ارقىلى ەسەپتەۋگە دە بولادى. اي سايىنعى تولەم كولەمى سوڭعى 24 ايداعى ورتاشا ايلىق كىرىستى 0,4 كىرىستى الماستىرۋ كوەففيتسيەنتىنە كوبەيتۋ ارقىلى انىقتالادى. مىسالى، سوڭعى ەكى جىلداعى ورتاشا ايلىق تابىسىڭىز 60 مىڭ تەڭگەنى قۇراسا، وندا اي سايىنعى تولەم كولەمى 24 مىڭ تەڭگەنى قۇرايدى. ال جۇمىسسىز انالارعا تولەنەتىن اي سايىنعى الەۋمەتتىك تولەم مولشەرى ءبىرىنشى بالا ءۇشىن 5,76 ا ە ك، ەكىنشى بالا ءۇشىن 6,81 ا ە ك، ءۇشىنشى بالا ءۇشىن 7,85 ا ە ك جانە ءتورتىنشى بالا ءۇشىن 8,90 ا ە ك- ءتى قۇرايدى. 2016-جىلى ءبىرجولعى جاردەماقى كولەمى ءبىرىنشى، ەكىنشى جانە ءۇشىنشى بالالار ءۇشىن 31,41 ا ە ك جانە ءتورتىنشى بالا ءۇشىن 52,35 ا ە ك- ءتى قۇرايدى.
جىل باسىنان بەرى مەملەكەتتىك كورپوراتسيا ارقىلى 116 مىڭ بالا تۋۋىنا بەرىلەتىن جاردەماقى جانە بالا كۇتىمىنە بايلانىستى الەۋمەتتىك تولەماقى تاعايىندالعان، ونىڭ ىشىندەگى 656 جاردەماقى مەن الەۋمەتتىك تولەمدەر ەلەكتروندىق پورتال ارقىلى تاعايىندالعان.