جەردى شەتەلدىكتەرگە جالعا بەرۋدەن قورىقپاۋ كەرەك
بۇگىن وسىنداي پىكىر جەر رەفورماسى جونىندەگى كوميسسيانىڭ قىزىلوردا وبلىسىندا ءوتىپ جاتقان وتىرىسىندا ايتىلدى.
جيىندا سىر ءوڭىرىنىڭ تۇرعىندارى پىكىرلەرىن ورتاعا سالىپ، ءوز دايەكتەرىن كەلتىرۋگە مۇمكىندىك الدى. «بۇگىن ەشبىر ادامنىڭ ويى ەلەۋسىز قالمايدى»، - دەدى پرەمەر-ءمينيستردىڭ ورىنباسارى، اۋىل شارۋاشىلىعى ءمينيسترى اسقار مىرزاحمەتوۆ. كەلەلى كەڭەستە ءبىرى كاداسترلىق باعانى قايتا قاراۋىن سۇراسا، ەندى ءبىرى جەردى شەتەلدىكتەرگە ۋاقىتشا پايدالانۋعا بەرۋ قاجەتتىگىن ايتتى. وسىلايشا، اۋىل شارۋاشىلىعىن دامىتۋعا بولادى دەيدى قىزىلوردالىق كاسىپكەرلەر.
اسقار ماحانبەتوۆ، قىزىلوردا وبلىستىق كاسىپكەرلەر پالاتاسى وڭىرلىك كەڭەسىنىڭ ءتوراعاسى:
- اۋىل شارۋاشىلىعىن دامىتۋ ءۇشىن ءۇش نارسە كەرەك. بىرىنشىدەن، اقشا. ەكىنشىدەن، مامان. ءۇشىنشى، تەحنولگيا. بۇل ءۇش نارسە عانا تەك سىرتتان كەلەدى. جۇمىس ورىندارىن اشايىق. تىرشىلىك ىستەيىك. ينۆەستيتسيا تارتايىق. جاڭا كاسىپكەرلەرينۆەستيتسيا قۇلدىق دەپ ايتىپ جاتىر. بۇكىل دۇنيەجۇزى سول ينۆەستيتسيا ارقىلى دامىپ جاتىر.
جەكسەنباي دۇيسەبايەۆ، ق ر پارلامەنتى ءماجىلىسىنىڭ دەپۋتاتى:
- وسى جەر كودەكسى 2003 -جىلى ءبىرىنشى قابىلداندى. سودان بەرى 13 جىل ءوتىپ كەتتى. ەندى قىزىلوردا ءوڭىرىن قاراساق، جەردىڭ 97 پايىزى جالعا بەرىلگەن. ەشكىم سونى جەكەمەنشىككە الىپ كەتكەن جوق. ەشكىم سونى شەتەلدەن كەلىپ، الىپ كەتكەن جوق. ءبىراق، وكىنىشكە قاراي، قازىر ءبىز وسى جەردى يگىلىگىمىزگە جاراتا الماي وتىرمىز.
www.24.kz
