جوعارى ەۋرازيالىق ەكونوميكالىق كەڭەستىڭ كەلەسى وتىرىسى ماسكەۋدە وتەدى
بۇل تۋرالى بۇگىن اقوردادا ءوتىپ جاتقان جوعارى ەۋرازيالىق ەكونوميكالىق كەڭەستىڭ كەڭەيتىلگەن قۇرامداعى وتىرىسىندا ر ف پرەزيدەنتى ۆلاديمير پۋتين ايتتى.
«ەۋرازيالىق كوميسسيا موڭعوليا، پەرۋ، چيليدىڭ ۇكىمەتتەرىمەن ءوزارا تۇسىنىستىك تۋرالى مەموراندۋمعا قول قويدى. جوسپاردا سەربيامەن ساۋدا ۋاعدالاستىعىن ازىرلەۋ بار. وڭتۇستىك كورەيامەن، ەكۆادورمەن جانە مەركوسۋر-مەن ىنتىماقتاستىق تۋرالى كەلىسىم دايىندالۋدا. وداقپەن تىعىز بايلانىس ورناتۋعا يران، ءۇندىستان، مىسىر، يزرايل قىزىعۋشىلىق تانىتۋدا»، - دەدى ول.
سونىمەن قاتار ر ف پرەزيدەنتى ەۋرازيالىق وداق پەن ە و اراسىنداعى ءوزارا ءىس-قيمىلدى جولعا قويۋ بويىنشا حالىقارالىق كونفەرەنتسيا وتكىزۋ تۋرالى قازاقستان باستاماسىنا قولداۋ بىلدىرەتىندىگىن اتاپ ءوتتى. حالىقارالىق جيىندى وتكىزۋگە ەۋرازيالىق ەكونوميكالىق كوميسسيا بەلسەندى ارالاسۋى تيىستىگىن باسا ايتتى.
«ءسوزىمدى قورىتا كەلە، وسى مۇمكىندىكتى پايدالانىپ، شاعىن قۇرامدا ۋاعدالاسقانىمىزداي، ماسكەۋدە جەلتوقساندا وتەتىن كەلەسى كەزدەسۋگە بارلىقتارىڭىزدى شاقىرامىن»، - دەدى ۆ. پۋتين.
اۆتور: مارلان جيەمباي
