قازاقستاننان جەردى كىمدەر ساتىپ العانى تۋرالى اقپارات اشىق بولۋى كەرەك - د. كوشىم
بۇگىن جەر رەفورماسى جونىندەگى كوميسسيانىڭ وتىرىسىندا كوميسسيا مۇشەسى دوس كوشىم وسىلاي ءمالىم ەتتى.
«ءبىزدىڭ توبىمىزدا وسى كوميسسياداعى كوزقاراس ايتىلدى نەگىزىنەن. ەكى ۇسىنىس بار: ءبىرىنشىسى، جەر ساتىلماسىن. ەكىنشىسى، جەر بەلگىلى شارتتارمەن ساتىلسىن دەگەن. بۇنى قايتالاۋدىڭ قاجەتى شامالى. دەگەنمەن، قازىرگى تاڭدا حالىقتىڭ اراسىندا وسى كۇنگە دەيىن «قازاقستاننىڭ جەرىنىڭ ءبارىن ساتىپ العان بەس ادام بار، ون ادام بار» دەگەن اقپارات ءجۇر. بىرەۋلەردىڭ اتى، ەندى بىرەۋلەردىڭ تەگى اتالادى. اقپارات ناقتى ەمەس. مەنىڭ ويىمشا، بۇنداي مالىمەتتەر اشىق جاريالانۋى كەرەك. سوڭعى مالىمەتتەر بويىنشا جەر كىمنىڭ قولىندا ەكەنىن حالىق ءبىلسىن. كىم قانشا جەر ساتىپ الدى، ول كىم؟ ەگەر بۇل مەملەكەتتىك قۇپيا بولماسا، حالىق ونى ءبىلۋى كەرەك»، - دەدى د. كوشىم.
بۇل رەتتە كوميسسيا مۇشەسى جەردى ساتىپ الۋدىڭ بارىسىندا جىبەرىلگەن ولقىلىقتارىنىڭ ءوزى جەكە ماسەلە رەتىندە قاراۋدى قاجەت ەتەدى.
اۆتور: قانات مامەتقازى ۇلى
