رومان سكليار ۇلتتىق ەكونوميكا ۆيتسە-ءمينيسترى بولىپ تاعايىندالدى
بۇل تۋرالى ق ر ۇلتتىق ەكونوميكا مينيسترلىگىنىڭ باسپا ءسوز قىزمەتى حابارلادى.
رومان سكليار پاۆلودار مونتاج تەحنيكۋمىن، پاۆلودار مەملەكەتتىك ۋنيۆەرسيتەتىن، ماسكەۋ قازىرگى زامان بيزنەس ينستيتۋتىن، قازاق قۇقىقتانۋ جانە حالىقارالىق قاتىناستار ينستيتۋتىن بىتىرگەن.
رومان سكليار ءار جىلدارى پاۆلودار قالاسى مەملەكەتتىك ساتىپ الۋ باسقارماسىنىڭ باستىعى، اپپارات باسشىسى، پاۆلودار قالاسى اكىمىنىڭ ورىنباسارى، استانا قالاسىنداعى ەنەرگەتيكا جانە كوممۋنالدىق شارۋاشىلىق دەپارتامەنتىنىڭ ديرەكتورى، پاۆلودار وبلىسى اكىمنىڭ ورىنباسارى، ءبىرىنشى ورىنباسارى، قازاقستان رەسپۋبليكاسى كولىك جانە كوممۋنيكاتسيالار ۆيتسە- ءمينيسترى، «قازاقستان تەمىر جولى» ۇ ق» ا ق ۆيتسە-پرەزيدەنتى قىزمەتتەرىن اتقارعان.
2016 -جىلعى ناۋرىز ايىنان باستاپ قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، ەكونوميكالىق رەفورما جانە وڭىرلىك دامۋ كوميتەتىنىڭ ءتوراعاسى.
