داۋرەن ابايەۆ جاڭا قۇرىلعان اقپارات جانە كوممۋنيكاتسيا مينيسترلىگىنىڭ باسشىسى قىزمەتىنە تاعايىندالدى
جينالىسقا سونداي- اق ق ر ينۆەستيتسيالار جانە دامۋ ءمينيسترى اسەت يسەكەشەۆ قاتىستى. ەستەرىڭىزگە سالا كەتەيىك، كەشە اقوردادا وتكەن كەڭەس بارىسىندا ق ر پرەزيدەنتى نۇرسۇلتان نازاربايەۆ جاڭا ۋاكىلەتتى مەملەكەتتىك ورگان - اقپارات جانە كوممۋنيكاتسيا مينيسترلىگىن قۇرۋدى تاپسىرعان بولاتىن.
داۋرەن اسكەربەك ۇلى ابايەۆ 1979 -جىلى الماتى وبلىسىندا تۋعان. 2001 -جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن ۇزدىك بىتىرگەن. 2014 -جىلى ەۋرازيا گۋمانيتارلىق ينستيتۋتىن ءتامامداعان.
2001 -جىلدىڭ تامىزى مەن 2003 -جىلدىڭ تامىزى ارالىعىندا قازاقستان رەسپۋبليكاسى سىرتقى ىستەر مينيسترلىگىنىڭ ورتالىق اپپاراتىندا جۇمىس ىستەدى.
2003 -جىلدىڭ مامىرى مەن 2007 -جىلدىڭ مامىرى ارالىعىندا قازاقستان رەسپۋبليكاسىنىڭ ازەربايجانداعى جانە نيدەرلاندى كورولدىگىندەگى ەلشىلىكتەرىندە ديپلوماتيالىق قىزمەت اتقاردى.
2007 -جىلدىڭ مامىرى مەن 2007 -جىلدىڭ جەلتوقسانى ارالىعىندا - قازاقستان رەسپۋبليكاسى سىرتقى ىستەر مينيسترلىگىنىڭ ءباسپاسوز قىزمەتى ءبولىمىنىڭ باستىعى.
2007 -جىلدىڭ جەلتوقسانى مەن 2008 -جىلدىڭ جەلتوقسانى ارالىعىندا - قازاقستان رەسپۋبليكاسى پرەزيدەنتى پروتوكولىنىڭ باس ساراپشىسى، كونسۋلتانتى.
2008 -جىلدىڭ جەلتوقسانى مەن 2009 -جىلدىڭ قازانى ارالىعىندا - قازاقستان رەسپۋبليكاسى پرەزيدەنتى ءباسپاسوز حاتشىسىنىڭ ورىنباسارى.
2009 -جىلدىڭ قازانىنان - قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق- ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى.
2011 -جىلدىڭ قازانىندا مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ باسپا ءسوز حاتشىسى بولىپ تاعايىندالدى.
2013 -جىلدىڭ شىلدەسىنەن وسى تاعايىنداۋعا دەيىن قازاقستان رەسپۋبليكاسى پرەزيدەنتىنىڭ كەڭەسشىسى - قازاقستان رەسپۋبليكاسى پرەزيدەنتىنىڭ ءباسپاسوز حاتشىسى قىزمەتىن اتقاردى.
I- سىنىپتى ءبىرىنشى حاتشى ديپلوماتيالىق دارەجەسى بار.
قازاق، ورىس، اعىلشىن تىلدەرىن مەڭگەرگەن.
«قۇرمەت» وردەنىمەن ماراپاتتالعان.
