قازاقستاندا اۋىل شارۋاشىلىعى جەرلەرى شەتەلدىكتەرگە ساتىلمايدى - ا. مامىتبەكوۆ
بۇل تۋرالى بۇگىن ق ر اۋىل شارۋاشىلىعى ءمينيسترى اسىلجان مامىتبەكوۆ ءمالىم ەتتى.
«جەر ماسەلەسى بويىنشا ەشقانداي شەشىم قابىلدانعان جوق جانە قابىلدانبايدى دا. ويتكەنى، جەر نەگىزىنەن سول جەردى پايدالانۋشىلارعا ساتىلادى. قازاقستاننىڭ جەر تۋرالى كودەكسىندە، زاڭدارىندا ەشقانداي شەتەلدىككە اۋىل شارۋاشىلىعى سالاسىنداعى جەرلەر ساتىلمايدى دەپ جازىلعان. سوندىقتان جەر ءوزىمىزدىڭ ازاماتتارعا جانە جەرگىلىكتى كومپانيالارعا عانا تيەسىلى بولادى»، - دەدى مينيستر ب ا ق وكىلدەرىنىڭ ساۋالىنا وراي.
ايتا كەتەيىك، بۇگىن ق ر اۋىل شارۋاشىلىعى ءمينيسترى اسىلجان مامبىتبەكوۆ اۋىل شارۋاشىلىعى جانە اۋىلدىق ايماقتاردى دامىتۋ جونىندەگى ەۋروپالىق كوميسسار فيل حوگانمەن كەزدەستى. كەزدەسۋ بارىسىندا قازاقستان مەن ەۋروپالىق كوميسسيا اراسىنداعى اۋىل شارۋاشىلىعى سالاسىنداعى ۇزاقمەرزىمدى ارىپتەستىك پەن ىنتىماقتاستىقتى نىعايتۋ، ەۋرازيالىق ەكونوميكالىق وداق شەكاراسى ارقىلى ەۋروپالىق اۋىل شارۋاشىلىعى ونىمدەرىن تاسىمالداۋ ماسەلەلەرى تالقىلاندى.
اۆتور: مارلان جيەمباي
