15:10, 11 - ءساۋىر 2016 | GMT +5
ن. نازاربايەۆ پەن ح. رۋحاني وڭىرلىك جانە حالىقارالىق قاۋىپسىزدىككە قاتىستى پىكىر الماستى
استانا. قازاقپارات - ەلباسى نۇرسۇلتان نازاربايەۆ يران يسلام رەسپۋبليكاسىنىڭ پرەزيدەنتى حاسان رۋحانيمەن كەزدەستى، دەپ حابارلادى اقوردانىڭ باسپا ءسوز قىزمەتى.
ەكى ەل كوشباسشىلارى ح. رۋحانيدىڭ استاناعا 2014 -جىلعى قىركۇيەكتەگى مەملەكەتتىك ساپارى كەزىندە قول جەتكىزىلگەن ۋاعدالاستىقتاردىڭ جۇزەگە اسىرىلۋ بارىسىن تالقىلادى.
سونداي- اق مەملەكەتتەر باسشىلارى ساۋدا- ەكونوميكا، ينۆەستيتسيا، اۋىل شارۋاشىلىعى جانە كولىك- ترانزيت سالاسىنداعى ءوزارا ءىس- قيمىلدى نىعايتۋ ماسەلەلەرىن دە قوزعادى.
سونىمەن قاتار نۇرسۇلتان نازاربايەۆ پەن ح. رۋحاني وڭىرلىك جانە حالىقارالىق قاۋىپسىزدىككە قاتىستى وزەكتى جايتتار جونىندە پىكىر الماستى. قازاقستان پرەزيدەنتى ەلىمىز يرانمەن ءاردايىم دوستىق قارىم- قاتىناستا بولعانىنا نازار اۋداردى.
ح. رۋحاني نۇرسۇلتان نازاربايەۆتىڭ تەگەرانعا بۇگىنگى ساپارى قازاقستان- يران ىنتىماقتاستىعىنا تىڭ سەرپىن بەرەتىنىنە سەنىم ءبىلدىردى. 
