قازىرگى كەزەڭدە ۇلت جوسپارىن ءتيىمدى ىسكە اسىرۋعا قاجەتتى بارلىق نەگىز قالاندى - داريعا نازاربايەۆا
بۇل تۋرالى بۇگىن استانادا ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە جاڭعىرتۋ جونىندەگى ۇلتتىق كوميسسيانىڭ باسپا ءسوز ءماسليحاتىندا ق ر پرەمەر- ءمينيسترىنىڭ ورىنباسارى داريعا نازاربايەۆا ءمالىم ەتتى.
«جاڭا جىلدان بەرى ەلىمىزدە «100 ناقتى قادام» - ۇلت جوسپارىن ىسكە اسىرۋ جۇمىستارى ءجۇرىپ جاتىر. ول ءۇشىن ق ر پرەزيدەنتى نۇرسۇلتان نازاربايەۆتىڭ جارلىعى بويىنشا ارنايى ۇلتتىق كوميسسيا قۇرىلىپ، نەگىزگى ۇيىمداستىرۋ جۇمىستارى وتكەن جىلى باستالىپ كەتتى. سودان بەرى ءبىرتالاي جۇمىس اتقارىلدى. بەس جۇمىس توبى قۇرىلدى. ونىڭ قۇرامىنا پارلامەنت دەپۋتاتتارى، وتاندىق، حالىقارالىق ساراپشىلار تارتىلدى. كوميسسيا جۇمىسى ەلباسىنىڭ ۇدايى باقىلاۋىندا.
از عانا ۋاقىت ىشىندە ۇلتتىق كوميسسيانىڭ 48 وتىرىسى ءوتتى. الەمدىك ستاندارتتارعا ساي كەلەتىن 59 زاڭ قابىلداندى. 400-دەن استام نورماتيۆتىك- قۇقىقتىق اكتىلەر دايىندالدى. ولاردىڭ ءبارى بۇگىندە كۇشىنە ەندى. زاڭ شىعارۋ جۇمىستارى بيىل دا جالعاساتىن بولادى. ۇلت جوسپارىنىڭ 5 باعىتى بويىنشا جاسالعان جۇمىستاردىڭ العاشقى ناقتى ناتيجەلەرى بار. قازىرگى كەزەڭدە ۇلت جوسپارىن ءتيىمدى ىسكە اسىرۋعا قاجەتتى بارلىق نەگىز قالاندى»، - دەدى ول.
اۆتور: جاسۇلان جولدىبايەۆ
