مەملەكەتتىك قىزمەت ىستەرى ۆيتسە-ءمينيسترى تاعايىندالدى

استانا. قازاقپارات - ق ر ۇكىمەتىنىڭ قاۋلىسىنا سايكەس نۇرلان ىبىرايىم ەلىمىزدىڭ مەملەكەتتىك قىزمەت ىستەرى ۆيتسە-ءمينيسترى بولىپ تاعايىندالدى، دەپ حابارلادى اتالعان ۆەدومستۆونىڭ باسپا ءسوز قىزمەتىنەن.

تاراتىلعان اقپاراتقا قاراعاندا، بۇگىن مينيستر تالعات دوناقوۆ ءوز ورىنباسارىن ۇجىمعا تانىستىرعان.

ىبىرايىم نۇرلان مۇحتاربەك ۇلى 1973 -جىلى دۇنيەگە كەلگەن. قىرعىز مەملەكەتتىك ۋنيۆەرسيتەتىن بىتىرگەن. ءار جىلدارى ق ر ادىلەت مينيسترلىگىنىڭ تىركەۋ قىزمەتى كوميتەتى ءتوراعاسىنىڭ ورىنباسارى، ق ر پارلامەنتى ءماجىلىسى اپپاراتى باسشىسىنىڭ ورىنباسارى، «نۇر وتان» پارتياسىنىڭ ماجىلىستەگى فراكسياسى اپپاراتىنىڭ جەتەكشىسى، ق ر ءبىلىم جانە عىلىم مينيسترلىگى قۇقىقتىق قامتاماسىز ەتۋ جانە مەملەكەتتىك ساتىپ الۋ دەپارتامەنتىنىڭ ديرەكتورى، عىلىم كوميتەتىنىڭ ءتوراعاسى قىزمەتتەرىن اتقارعان.

«قازاقستان رەسپۋبليكاسىنىڭ پارلامەنتىنە 10 جىل»، «استاناعا 10 جىل» مەدالدارىمەن ماراپاتتالعان.

ايتا كەتەيىك، 5 -ءساۋىر كۇنى ق ر مەملەكەتتىك قىزمەت ىستەرى ۆيتسە-ءمينيسترى ي. احمەتوۆا ق ر ۇكىمەتىنىڭ قاۋلىسىنا سايكەس ءوز ەركىمەن جۇمىسىنان بوساتىلعان بولاتىن.