گ. ءابدىقالىقوۆا: تاۋەلسىزدىك جىلدارى ىشىندە ءبىز ءبىز تاريحي تۇرعىدا كەرەمەت جەتىستىكتەرگە قول جەتكىزدىك

استانا. قازاقپارات - استانادا مەملەكەتتىك حاتشى گۇلشارا ءابدىقالىقوۆانىڭ ءتوراعالىق ەتۋىمەن قازاقستان تاۋەلسىزدىگىنىڭ 25 جىلدىعىن وتكىزۋگە ارنالعان مەملەكەتتىك كوميسسيانىڭ ءبىرىنشى وتىرىسى ءوتتى.

«تاۋەلسىزدىك جىلداردا ءبىز ءبىز تاريحي تۇرعىدا كەرەمەت جەتىستىكتەرگە قول جەتكىزدىك. ءبىزدىڭ قازاقستان - ۇلى دالا ەلى! بۇل ءبىزدىڭ ۇلى ماقتانىشىمىز»، - دەدى گ. ءابدىقالىقوۆا كوميسسيا وتىرىسىنداعى العى سوزىندە.

مەملەكەتتىك حاتشىنىڭ ايتۋىنشا، تاۋەلسىزدىكتىڭ 25 جىلدىعىن مەرەكەلەۋ مەملەكەتتىلىكتى، حالىقتىڭ بىرلىگىن ودان ءارى نىعايتۋعا جانە بارلىق قازاقستاندىقتاردى «ماڭگىلىك ەل» قۇندىلىقتارى اينالاسىنا ۇيىستىرۋعا ىقپال ەتەدى.

مەملەكەتتىك حاتشى تاۋەلسىزدىكتىڭ 25 جىلدىعىن مەرەكەلەۋ: ەركىندىك، بىرلىك، تۇراقتىلىق، شىعارماشىلىق، وركەندەۋ سياقتى نەگىزگى قۇندىلىقتاردىڭ اياسىندا وتكىزىلەتىندىگىن اتاپ ءوتتى.

سونداي- اق، كەزدەسۋدە تاۋەلسىزدىكتىڭ 25 جىلدىعىنا ارنالعان ءىس- شارالاردى دايىنداۋ جانە وتكىزۋدە مەملەكەتتىك ورگاندار، قوعامدىق ۇيىمدار جانە بۇقارالىق اقپارات قۇرالداردىڭ اراسىنداعى ىنتىماقتاستىعى ماسەلەلەرى دە تالقىلاندى.

 كەزدەسۋ بارىسىندا مەملەكەتتىك كوميسسيانىڭ مۇشەلەرى مەن قاتىسۋشىلارى ەگەمەندىكتىڭ 25 جىلدىعىنا ارنالعان «تاۋەلسىزدىك تاريحى: قازاقستاندىق جولدىڭ دامۋ قارقىنى» اتتى دەرەكتى فوتوكورمەنىڭ اشىلۋ راسىمىنە قاتىستى.

 اۆتور: جاسۇلان جولدىبايەۆ