اسەت يسەكەشەۆ: «اقپاراتتىق قازاقستان» باعدارلاماسى م ج س ارقىلى جۇزەگە اسىرىلادى
بۇل تۋرالى ق ر ينۆەستيتسيالار جانە دامۋ ءمينيسترى اسەت يسەكەشەۆ ءمالىم ەتتى.
«شەشىم قابىلداندى. «اقپاراتتىق قازاقستان» باعدارلاماسى اياسىندا «ساندىق قازاقستان» اتتى جاڭا باعدارلاما قابىلدانادى. بۇل باعدارلاما - پيلوتتىق رەجيمدە مەملەكەتتىك- جەكەمەنشىك سەرىكتەستىك ارقىلى جۇزەگە اسىرىلاتىن العاشقى باعدارلامالاردىڭ ءبىرى بولماق. مەملەكەت ەندى اقپاراتتىق جۇيەلەردى تىكەلەي قارجىلاندىرمايتىن بولادى. تەك ستراتەگيالىق جانە قۇپيا اقپاراتتىق جۇيەلەر قارجىلاندىرىلادى. قالعانىنا مەملەكەتتىك- جەكەمەنشىك سەرىكتەستىك مودەلى قولدانىلادى»، - دەپ اتاپ ءوتتى مينيستر «ساندىق قازاقستان» باعدارلاماسىنىڭ قاتىسۋشىلارىمەن بولعان كەزدەسۋىندە.
«ماعىناسى مىنادا: مەملەكەت اۋىلدارعا كەڭ جولاقتى ينتەرنەتتى ەنگىزۋ تەتىكتەرىن جاساقتايتىن بولادى. ءبىز قازىر وسى مىندەتتى قالاي اتقاراتىندىعىمىزدى ويلاستىرىپ جاتىرمىز. ءبىزدىڭ ماقساتىمىز اۋىلداردى جاقىن جىلدارى كەڭ جولاقتى ينتەرنەتپەن قامتاماسىز ەتۋ»، - دەپ اتاپ ءوتتى ول.
ءمينيستردىڭ ايتۋىنشا، نەگىزگى باسىمدىق وسى سالادا جوعارى بىلىكتى مامانداردى دايارلاۋعا بەرىلەدى.
«بىرىنشىدەن، ينجەنەرلەر مەن باعدارلاماشىلاردى وتاندىق ج و و- لاردا جاپپاي دايىندايتىن بولامىز. ونىڭ ۇستىنە «ەلەكتروندى دەنساۋلىق ساقتاۋ جانە ءبىلىم بەرۋ» باعدارلامالارى قابىلدانادى، سول كەزدە جەرگىلىكتى وقىتۋشىلار مەن دارىگەرلەردى كومپيۋتەر نەگىزدەرىنە ۇيرەتۋ كەرەك بولادى»، - دەيدى ءا. يسەكەشەۆ.
مينيستر كيبەرقاۋىپسىزدىك ماسەلەلەرى دە وتە ماڭىزدى بولاتىندىعىن اتاپ ءوتتى.
«ءبىز بۇل ماسەلەگە دە ۇلكەن ءمان بەرەتىن بولامىز. ايتا كەتەرلىگى، سالاعا جەكە ينۆەستيتسيالاردى تارتۋعا نەگىزدەلگەن مەملەكەتتىك- جەكەمەنشىك سەرىكتەستىكتىڭ قىزمەتتىك مودەلى باسىمدىققا يە بولادى. ءبىز بۇعان ءوزىمىزدىڭ قازاقستاندىق كومپانيالاردىڭ قاتىسقانىن قالايمىز»، - دەدى ءا. يسەكەشيەۆ.
«ساندىق قازاقستان» باعدارلاماسى 2025 - جىلعا دەيىن مەجەلەنگەن. وعان Huawei, Cisco جانە Microsoft سىندى الەمدىك كومپانيالار قاتىسۋعا نيەت تانىتىپ وتىر.
اۆتور: جاسۇلان جولدىبايەۆ
