پاۆلودار ماشينا جاساۋ زاۋىتى ساتۋ كولەمىن ءتورت ەسەگە جۋىق ۇلعايتپاق
2016-جىلى جۇك كوتەرۋ مەحانيزمدەرىن شىعاراتىن زاۋىت بۇل كولەمدى ءتورت ەسەگە دەرلىك - 4,6 ميلليارد تەڭگەگە دەيىن ۇلعايتۋدى جوسپارلاپ وتىر، دەپ حابارلادى «پ م ز» ا ق باسپا ءسوز قىزمەتى.
«ءبىزدىڭ ءونىم باعاسى مەن ساپاسى جاعىنان سىرتقى نارىقتا باسەكەگە قابىلەتتى، مۇنى كەدەن وداعى جاعدايىنداعى جۇمىس قۋاتتادى. پ م ز جابدىقتار پاركى جۇيەلى جاڭارىپ، زاماناۋي ستانوكتارمەن جانە اپپاراتتارمەن جابدىقتالۋدا. جىل سايىن قىزمەتكەرلەردى وقىتۋ جانە اتتەستاتتاۋ جۇرگىزىلەدى. مۇنىڭ ءبارى پ م ز- دىڭ تۇراقتى، تاپسىرىس بەرۋشىلەردىڭ بارلىق تالاپتارىنا ساي جۇمىس ىستەۋگە مۇمكىندىك بەرەدى»، - دەپ اتاپ كورسەتتى زاۋىت ديرەكتورى لەونيد بەلوگريۆىي.
جاقىندا رەسەيلىك ەكاتەرينبۋرگتەگى «ۆ ي ز -ستال» ج ش ق كاسىپورنى جۇك كوتەرگىشتىگى 22 توننالىق، ەلەكتر مۇناراسى پايدالانۋعا بەرىلدى، ول سالقىن پروكات سەحىنداعى ارلەۋ ۋچاسكەسى ءۇشىن جاسالعان. جابدىقتار جوباسىن تولىعىمەن پ م ز ماماندارى تاپسىرىس بەرۋشىنىڭ جەكە تالاپتارى بويىنشا جاساپ شىقتى.
ماشينا جاساۋ سالاسىنداعى جوعارى باسەكەگە قاراماستان، رەسەيلىك تاپسىرىس بەرۋشىلەر قازاقستاندىق زاۋىت ونىمدەرىنە باسىمدىق بەرەدى. پ م ز سونداي-اق كوپتەگەن وتاندىق كاسىپورىندار ءۇشىن جۇك كوتەرەتىن تەحنيكانى ازىرلەۋدە، سونىمەن قاتار قازاقستاندىق ۇلەستى ەلەۋلى ارتتىرۋعا ءوز ۇلەسىن قوسۋدا. ونىڭ تۇتىنۋشىلارىنىڭ اراسىندا - «كازتسينك» ج ش س، «ارسەلورميتتال» ا ق، ««قازاق مىس» كورپوراتسياسى» ج ش س، «قازاقستان تەمىر جولى» ۇ ك» ا ق جانە ERG كاسىپورىندار توبى بار.
