بەردىبەك ساپاربايەۆ اقتوبەلىكتەرگە وتىرىك ۋادە بەرە المايتىنىن اشىپ ايتتى
سونىڭ ءبىرى اقتوبەلىكتەرگە جىر بولعان جول ماسەلەسى دەپ جازادى NUR. KZ ءتىلشىسى.
«30-40 جىلدا شەشىلمەگەن ماسەلەنىڭ ءبارىن ەرتەڭ شەشىپ تاستايمىز دەپ سىزدەرگە وتىرىك ۋادە بەرە المايمىن. اقتوبە قالاسىندا جولدىڭ 44 پايىزىنا عانا اسفالت توسەلگەن. قالانىڭ اكىمى مەن ورىنباسارىما تاپسىرما بەرىپ، ءبىرىنشى قانداي كوشەلەردىڭ جوندەلەتىنىن ناقتىلادىق. ءۇش جىلدا، ءارى كەتسە بەس جىلدا قالاداعى 537 كوشەنىڭ بارلىعىنا اسفالت توسەلەدى. ەكىنشى ماسەلە، وسىعان دەيىن ساپاسىز سالىنعان جولداردى مەردىگەر كومپانيالاردىڭ ەسەبىنەن جوندەلۋىمىز كەرەك»، - دەدى ساپاربايەۆ.
سونىمەن قاتار وبلىس اكىمى فۋتبول كلۋبى جونىندە دە ءتۇسىندىرىپ كەتتى.
«اقتوبەدە فۋتبول توقتامايدى. كوماندادا جەرگىلىكتى ويىنشىلار باسىم بولۋ كەرەك. ءبىراق، جەرگىلىكتى فۋتبولشىلاردىڭ بىلىكتىلىگى جەتكىلىكسىز. ءبىزدىڭ جاس فۋتبولشىلارىمىز ۇيرەنۋ كەرەك. ال، "اقتوبە" فۋتبول كلۋبىنىڭ ديرەكتورى ۆاسيليەۆكە قاتىستى ايتسام، ءبىز وعان بەلگىلى ءبىر مەرزىم بەردىك. ول مىندەت الدى، ەگەر ونى ورىنداي الماسا ونىڭ قىزمەتتەن كەتۋى مۇمكىن دەگەن سۇراق قارالادى»، - دەدى فۋتبول جونىندەگى داۋدىڭ دوعارىلۋى كەرەكتىگىن ايتقان وبلىس اكىمى.
ساپاربايەۆ اقتوبەلىك شەنەۋنىكتەرگە جۋرناليستەرمەن جاقسى قارىم- قاتىناس ۇستاۋدى تاپسىرعانىن ايتتى.
«پروبلەماڭ از بولسىن دەسەڭ، جۋرناليستەرمەن جيىرەك سويلەس. سوندا عانا حالىقتىڭ پىكىرىنە قۇلاق تۇرەسىڭ دەپ جاتىرمىز»، - دەدى بەردىبەك ماشبەك ۇلى.
