قازاقستان سىرتقى ساۋدا جۇرگىزۋ راسىمدەرىن جەڭىلدەتتى - ە. دوسايەۆ
«سىرتقى ساۋدانى جۇرگىزۋ راسىمدەرىن جەڭىلدەتۋ ماقساتىندا ەكسپورتتىق- يمپورتتىق وپەراتسيالاردى جاساۋ كەزىندەگى قۇجاتتار سانى قىسقارتىلدى. تاۋارلاردى ەكسپورتتاۋ كەزىندە - 3 قۇجات، يمپورتتاۋ كەزىندە - 4 قۇجات قىسقاردى. بۇل رەتتە سىرتقى ەكونوميكالىق قىزمەتكە قاتىسۋشىلاردىڭ تاۋەكەل دەڭگەيى تومەن، ورتا جانە جوعارى 3 ساناتىن ەنگىزە وتىرىپ، تاۋەكەلدەردى باسقارۋ جۇيەسىن قولدانۋدىڭ تاسىلدەرى قايتا قارالدى»، - دەدى ە. دوسايەۆ.
سونىمەن قاتار ءمينيستردىڭ اتاپ وتۋىنشە، قارجى مينيسترلىگى ۇلتتىق كاسىپكەرلەر پالاتاسىمەن بىرلەسىپ، پوستكەدەندىك رەسىمدەۋ بويىنشا «300 ءىرى سالىق تولەۋشىگە ارنالعان جاسىل ءدالىز» ىلكى جوباسىن ىسكە اسىرعان.
قازاقستان قۇرىلىس سالاسىندا ەۋروكود جۇيەسىنە كوشۋدى باستايدى.
ءمينيستردىڭ اتاپ وتۋىنشە، قۇرىلىس سالاسىندا باستاپقى رۇقسات بەرۋ قۇجاتتارىن بەرۋ مەرزىمدەرى 40 كۇننەن 17 جۇمىس كۇنىنە دەيىن، ەسكيزدى جوبانى كەلىسۋ 60 كۇننەن 15 جۇمىس كۇنىنە دەيىن تۇبەگەيلى قىسقارتىلدى، قۇرىلىستىڭ باستالۋى تۋرالى حابارلامانى 1 كۇن ىشىندە (ەلەكتروندى تۇردە) بەرۋ قامتاماسىز ەتىلدى.
«2016 -جىلعى 1- قاڭتاردان باستاپ، ساراپتامالىق جۇمىستاردىڭ 50 پايىزى نارىققا بەرىلدى جانە جەكە ساراپتامالىق ۇيىمدارمەن جۇرگىزىلەدى. رەسۋرستىق ءادىس ەنگىزىلدى جانە ەۋروكودتار جۇيەسىنە اۋىسۋ باستالدى»، - دەدى ە. دوسايەۆ.
ۇلتتىق ەكونوميكا مينيسترلىگى باسپا ءسوز قىزمەتىنىڭ اقپاراتىنا سايكەس، 2016 -جىلعى 1- قاڭتاردان باستاپ، جەكە ۇيىمدارمەن ساراپتاما وتكىزۋ ءۇشىن بەرىلگەن نىسنادار تىزبەسى بەكىتىلگەن. وعان مىنالار كىرەدى: تۇرعىن ءۇي- ازاماتتىق ماقساتىنداعى جاڭا، قالپىنا كەلتىرۋ جانە قولدانىستاعى تەحنيكالىق جانە تەحنولوگيالىق كۇردەلى ەمەس عيماراتتار مەن قۇرىلىستاردىڭ كاپيتالدى جوندەۋى بويىنشا ت ە ن جانە ج س ق؛ ەلدى مەكەندەر اۋماقتارىن اباتتاندىرۋ مەن كوگالداندىرۋعا تەن جانە ج س ق؛ تەحنولوگيالىق كۇردەلى ەمەسكە جاتاتىن ينجەنەرلىك ينفراقۇرىلىم وبەكتىلەرى؛ قوعامدىق، اكىمشىلىك- تۇرمىستىق ءبىر- ەكى قاباتتى عيماراتتار مەن قۇرىلىستار؛ شاعىن قوناق ءۇي كەشەندەرى جانە ت. ب.
اۆتور: مارلان جيەمباي
