قازاقستان جاڭا قۇقىقتىق جانە ينستيتۋتتىق ورتا جاعدايىندا ءومىر سۇرۋدە - د. نازاربايەۆا
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە ق ر پرەمەر- ءمينيسترىنىڭ ورىنباسارى داريعا نازاربايەۆا ءمالىم ەتتى.
«2016 -جىلدىڭ 1 - قاڭتارىنان قازاقستان 59 زاڭ مەن 400-دەن استام زاڭنامالىق اكتىنىڭ قابىلدانۋىمەن قالىپتاسقان جاڭا قۇقىقتىق جانە ينستيتۋتتىق ورتا جاعدايىندا ءومىر سۇرۋدە. اتاپ ايتقاندا، مەملەكەتتىك قىزمەتكە ىرىكتەۋدىڭ ءۇش ساتىلى جۇيەسىنە كوشۋ جۇزەگە اسىرىلدى، كوماندالىق اۋىس- ءتۇيىس دوعارىلدى، ناتيجەگە سايكەس جالاقىمەن قامتاماسىز ەتەتىن اكىمشىلىك مەملەكەتتىك قىزمەتشىلەردى باعالاۋ ءادىسى ەنگىزىلدى»، - دەدى د. نازاربايەۆا.
سونىمەن قاتار ۇكىمەت باسشىسىنىڭ ورىنباسارى ەلىمىزدىڭ سوت جۇيەسى 5 بۋىندى جۇيەدەن 3 بۋىندى جۇيەگە كوشكەنىن اتاپ ءوتتى. جوعارعى سوت كەڭەسى دەربەس اپپاراتىمەن اۆتونومدى مەملەكەتتىك مەكەمە رەتىندە جۇمىس ىستەي باستاعاندىعىن، قۇرىلىس سالاسىندا رۇقسات بەرۋ قۇجاتتارىن ۇسىنۋ مەرزىمى تۇبەگەيلى قىسقارعانىن ەسكە سالدى.
اۆتور: مارلان جيەمباي
