استانادا جاڭعىرتۋ جونىندەگى ۇلتتىق كوميسسيا مۇشەلەرىنىڭ باسپا ءسوز ءماسليحاتى وتەدى
باسپا ءسوز ءماسليحاتىنىڭ تاقىرىبى - «100 ناقتى قادام» ۇلت جوسپارىن ءىس جۇزىنە اسىرۋ».
باسپا ءسوز ءماسليحاتىنا ۇلتتىق كوميسسيا ءتوراعاسى - ق ر پرەمەر-ءمينيسترى كارىم ءماسىموۆ، سونداي-اق رەفورمانىڭ بەس باعىتى بويىنشا جۇمىس توپتارىنىڭ جەتەكشىلەرى - ق ر پرەمەر-ءمينيسترىنىڭ ورىنباسارى داريعا نازاربايەۆا، ق ر پرەزيدەنتى اكىمشىلىگى باسشىسىنىڭ ورىنباسارى باعلان مايلىبايەۆ، ق ر پرەزيدەنتى اكىمشىلىگى باسشىسىنىڭ ورىنباسارى مارات بەكەتايەۆ، ق ر مەملەكەتتىك قىزمەت ىستەرى ءمينيسترى تالعات دوناقوۆ، ق ر ۇلتتىق ەكونوميكا ءمينيسترى ەربولات دوسايەۆ قاتىسادى.
2016-جىلعى 28- ناۋرىزدان باستاپ باسپا ءسوز ءماسليحاتىنا ساۋالدار قابىلدايتىن call-سەنتر ءوز جۇمىسىن باستادى. قازاقستان رەسپۋبليكاسى بويىنشا ءبىرىڭعاي بايلانىس ورتالىعىنىڭ ءنومىرى 1414, 8-800-080-7777 (قازاقستاننىڭ بۇكىل اۋماعىندا قوڭىراۋ شالۋ تەگىن).
ەسكە سالا كەتەيىك، قازاقستان رەسپۋبليكاسىنىڭ پرەزيدەنتى جانىنداعى جاڭعىرتۋ جونىندەگى ۇلتتىق كوميسسيا 2015-جىلعى 30- ساۋىردە ينستيتۋتسيونالدىق رەفورمالاردى ىسكە اسىرۋ، قازاقستاندىق قوعام مەن مەملەكەتتى ودان ءارى جاڭعىرتۋ ماقساتىندا قۇرىلدى.
