استانا اۋەجايىندا اپاتتى جاعدايدا قونعان «بەك ەير» ۇشاعىنا قاتىستى ارنايى كوميسسيا قۇرىلدى
جيىنعا ينۆەستيتسيالار جانە دامۋ مينيسترلىگىنىڭ، باس كولىك پروكۋراتۋراسىنىڭ، ءى ءى م، ۇ ق ك وكىلدەرى قاتىستى.
ينۆەستيتسيالار جانە دامۋ مينيسترلىگى وقيعانىڭ ءمان-جايىن انىقتايتىن ارنايى كوميسسيا قۇردى. وعان شىعارۋشى زاۋىت وكىلدەرى مەن تاۋەلسىز ساراپشىلار شاقىرىلدى.
كەڭەس قورىتىندىسى بويىنشا، باقىتجان ساعىنتايەۆ وسى سىندى اۋە اپاتىنىڭ الدىن الۋ بويىنشا شارالاردى قابىلداۋدى تاپسىردى.
ازاماتتىق اۆياتسيا كوميتەتىنە مۇددەلى مەملەكەتتىك ورگاندارمەن بىرلەسىپ، «بەك ەير» ا ق ۇشۋ قاۋىپسىزدىگى دەڭگەيىن ارتتىرۋ بويىنشا شارالار جوسپارىن قۇراستىرۋ تاپسىرىلدى.
سونىمەن قاتار، 29 -ناۋرىزدان باستاپ، اۋە تاسىمالداۋشى قىزمەتىنىڭ جوسپاردان تىس ينسپەكتسيالىق تەكسەرىسى باستالادى.
جيىندا «بەك ەير» ا ق باسقارما ءتوراعاسى نۇرلان جۇماسۇلتانوۆ جاقىن ارادا اۋە كومپانياسى IOSA حالىقارالىق اۆياتسيالىق اۋديتتەن وتۋگە كىرىسەتىنىن ايتتى.
2016 -جىلى 27 -ناۋرىزدا ساعات 10:36 دا استانا اۋەجايىنا «بەك ەير» كومپانياسىنىڭ «فوككەر-100» ۇشاعى اپاتتىق جاعدايدا قوندى.
«قىزىلوردا- استانا» باعىتىندا ۇشقان ۇشاق بورتىندا 121 ادام، ونىڭ 116 سى جولاۋشى جانە 5 ەكيپاج مۇشەسى بولدى. جاپا شەككەندەر جوق.
