مادەنيەت جانە سپورت مينيسترلىگىندە ادەپ جونىندەگى ۋاكىل تاعايىندالدى

 استانا. قازاقپارات - قازاقستان رەسپۋبليكاسى مادەنيەت جانە سپورت مينيسترلىگىندە ادەپ جونىندەگى ۋاكىل تاعايىندالدى. بۇل قىزمەتكە ۆەدومستۆا جاۋاپتى حاتشىسىنىڭ بۇيرىعىمەن اكىمشىلىك دەپارتامەنتتىڭ ديرەكتورى ەرەناي تىلەۋ ۇلى دارجىبايەۆ بەكىتىلدى، دەپ حابارلايدى مينيسترلىكتىڭ باسپا ءسوز قىزمەتىنەن.

 ادەپ بويىنشا ۋاكىل قۇزىرىنا قىزمەت ادەبىنىڭ نورمالارىن قاداعالاۋ جانە مەملەكەتتىك قىزمەت، سىبايلاس جەمقورلىققا قارسى كۇرەس تۋرالى زاڭدار مەن قازاقستان رەسپۋبليكاسى مەملەكەتتىك قىزمەتكەرلەرىنىڭ ادەپ كودەكسىن بۇزۋدى الدىن الۋ، مەملەكەتتىك قىزمەتشىلەر مەن ازاماتتارعا ءوز قىزمەتتەرىنىڭ شەگىندە كەڭەس جۇرگىزۋ كىرەدى.

ەرەناي تىلەۋ ۇلى دارجىبايەۆ باستاپ مەملەكەتتىك قىزمەت قاتارىنا كىردى. 2014 -جىلى قازاقستان رەسپۋبليكاسى مادەنيەت جانە سپورت مينيسترلىگى اكىمشىلىك دەپارتامەنتىنىڭ ديرەكتورى بولىپ تاعايىندالدى.

ەسكە سالىپ كەتسەك، مەملەكەتتىك قىزمەتتىڭ جاڭا ينستيتۋتىن - ادەپ بويىنشا ۋاكىل - ەلباسىنىڭ بەس ينستيتۋتسيونالدى رەفورماسىن ورىنداۋدىڭ «100 ناقتى قادام» ۇلت جوسپارىن ىسكە اسىرۋ شەڭبەرىندە قابىلدانعان قازاقستان رەسپۋبليكاسىنىڭ «مەملەكەتتىك قىزمەت تۋرالى» جاڭا زاڭىمەن كوزدەلگەن.