10:21, 04 - ناۋرىز 2016 | GMT +6
كوكشەتاۋداعى توقىما سەحى ءوندىرىس كولەمىن كەڭەيتپەك - فوتو
كوكشەتاۋ. قازاقپارات - كوكشەتاۋداعى «ارمان» توقىما سەحى ءوندىرىس كولەمىن كەڭەيتپەك. بۇل تۋرالى بۇگىن وبلىس اكىمى سەرگەي كۋلاگيننىڭ اتالعان كاسىپورنىنا جۇمىس بابىمەن بارعان كەزىندە ايتىلدى،
دەپ حابارلادى وبلىس اكىمىنىڭ باسپا ءسوز قىزمەتىنەن.
كاسىپورىن باسشىسى تاتيانا باساننىڭ ايتۋىنشا، 2014 - جىلى جالپى قۇنى 20 ميلليون تەڭگەگە 6 مىڭ ءونىم ءتۇرى شىعارىلسا، وتكە جىلى 26 ميلليون تەڭگەگە 8 مىڭ ءتۇرلى كيىم توقىلدى.
«قازىرگى كەزدە كاسىپورىندا 30 ادام جۇمىس ىستەيدى. سەحتا اسكەريلەر مەن مەكتەپ وقۋشىلارىنا قاجەتتى، ەرلەر مەن ايەلدەرگە جانە بالالارعا ارنالعان كيىمدەر تىگىلۋدە. دايىن ءونىم نەگىزىنەن اقمولا جانە سولتۇستىك قازاقستان وبلىستارىنا ساتىلۋدا. الداعى ۋاقىتتا ءوندىرىستى كەڭەيتۋ جوسپارلانىپ وتىر»، دەيدى كاسىپورىن باسشىسى.
