ناۋرىزدان باستاپ قازاقستان ەكسپورتتىق- كەدەندىك باج سالىعىنىڭ قۇبىلمالى مولشەرلەمەسىنە كوشەدى
بۇل تۋرالى ۇكىمەت وتىرىسىندا ق ر ۇلتتىق ەكونوميكا ءمينيسترى ەربولات دوسايەۆ ءمالىم ەتتى.
«مۇناي- گاز سەكتورى مەن تاۋ- كەن مەتاللۋرگيالىق كەشەندى قولداۋ ءۇشىن پايدالى قازبالاردى وندىرۋگە جەڭىلدىكتەردى ۇسىنۋ، 2016 - جىلدىڭ 1 - ناۋرىزىنان الەمدىك باعاعا بايلاي وتىرىپ، ەكسپورتتىق- كەدەندىك باج سالىعىنىڭ قۇبىلمالى مولشەرلەمەسىن ەنگىزۋ قاراستىرىلعان. سونداي- اق مۇناي- گاز سەكتورىنىڭ قارجىلىق تۇراقتىلىعىن قامتاماسىز ەتۋ ءۇشىن ەكسپورتتىق- كەدەندىك باج سالىعى مازۋتتىڭ تونناسىنا 30 دوللارعا دەيىن تومەندەتىلدى»، - دەدى مينيستر.
ونىڭ سوزىنە قاراعاندا، مۇنايعا بايلانىستى مەجە بويىنشا، ياعني باررەلىنە 25 دوللاردان تومەن الەمدىك باعا كەزىندە ەكسپورتتىق- كەدەندىك باج سالىعى مولشەرلەمەسى 0-گە تەڭەلەدى، ال بەررەلىنە 25 دوللاردان جوعارى الەمدىك باعا اياسىندا ەكسپورتتىق- كەدەندىك باج سالىعى مولشەرلەمەسى ءتيىستى مەجەگە سايكەس ايقىندالادى.
«وسى ارقىلى، مۇنايعا الەمدىك باعانىڭ وسۋىمەن ەكسپورتتىق- كەدەندىك باج سالىعى كولەمى دە ارتادى»، - دەپ ءتۇسىندىردى ە. دوسايەۆ.
سونىمەن قاتار، 1 - مامىردان 1 - قىركۇيەككە دەيىنگى ارالىقتا ءبىر تونناعا 15 ەۋرو مولشەرىندە مازۋتقا ماۋسىمدىق باج سالىعىنىڭ مەرزىمىن بەلگىلەۋ ۇسىنىلۋدا.
اۆتور: قانات مامەتقازى ۇلى
