ەلباسى «سىربار» ديرەكتورىمەن مەملەكەتتىك قاۋىپسىزدىكتى قامتاماسىز ەتۋ ماسەلەلەرىن تالقىلادى

استانا. قازاقپارات - قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ «سىربار» سىرتقى بارلاۋ قىزمەتىنىڭ ديرەكتورى عابيت بايجانوۆپەن كەزدەستى، دەپ حابارلايدى اقوردانىڭ باسپا ءسوز قىزمەتى.

كەزدەسۋ بارىسىندا ۇلتتىق قاۋىپسىزدىكتى قامتاماسىز ەتۋ ماسەلەلەرى تالقىلاندى.

«مەملەكەت باسشىسى قازىرگى ۋاقىتتا سىرتقى بارلاۋ قىزمەتى ءوز دامۋىنىڭ جاڭا كەزەڭىنە ءوتىپ جاتقانىن ايتتى. نۇرسۇلتان نازاربايەۆ الەمدەگى گەوساياسي احۋالدىڭ كۇردەلەنۋى مەن حالىقارالىق تەرروريزم ءتوندىرىپ وتىرعان قاتەردىڭ ۇلعايا تۇسكەنىن ەسكەرە وتىرىپ، ەلىمىز شەت ەلدەردەگى ءوز مۇددەسىن قورعاۋ جۇمىستارىن كۇشەيتۋگە ءتيىس ەكەندىگىنە نازار اۋداردى»، دەلىنگەن حابارلامادا.

ع. بايجانوۆ ۆەدومستۆونىڭ الدىنا قويىلعان مىندەتتەردىڭ جۇزەگە اسىرىلۋ بارىسى تۋرالى، سونىڭ ىشىندە كادرلاردى ىرىكتەۋ مەن دايارلاۋ جۇيەسىن جەتىلدىرۋ جۇمىستارى جونىندە باياندادى.

قازاقستان پرەزيدەنتى كەزدەسۋ قورىتىندىسى بويىنشا ءبىرقاتار ناقتى تاپسىرما بەردى.