جوقتاۋ ايتۋ دىندە بار ما؟

استانا. قازاقپارات - ءبىر ادام قايتىس بولسا، تۋىسقان ايەلدەر جينالىپ الىپ، بىرنەشە اپتا بويى داۋىس شىعارىپ، جوقتاۋ ايتادى. بۇل شاريعاتتا دۇرىس پا؟

يسلامنان الدىن «ءجاھيليا» داۋرىندە ايەل كىسىلەر ءبىر- بىرىنە قاراما- قارسى وتىرىپ الىپ، زار قاعىپ ولگەن ادامدى جوقتايتىن بولعان. بۇنى اراپشادا «نياھا» دەپ اتايدى. يسلام كەلگەننەن كەيىن اتالمىش ارەكەتتەن پايعامبارىمىز تىيدى. ساحيح مۋسليمدە ريۋايات ەتىلگەن حاديستە ارداقتى پايعامبارىمىز (س. ا. ۋ): «بىرەۋدىڭ تەگىن جوققا شىعارۋشى مەن ءولىنى زار قاعىپ جوقتايتىندا كۇپىرلىك (جاھيلىكتىڭ ءىسى) بار»، [1] - دەگەن. بۇل ارەكەت حانافي ءمازحابىندا - ماكرۇھ. ال قالعان ءۇش ءمازحابتا - حارام[2]. سوندىقتان، اپتا بويى قايتىس بولعان كىسىنىڭ ارتىنان جوقتاۋ ايتقاننىڭ ورنىنا ول كىسىنىڭ اتىنان، مۇمكىن بولسا، ساداقا بەرىپ، قۇران وقىتقان ساۋاپ بولادى.

[1] مۋسليم، كيتابۋل يمان، 67-حاديس.

[2] بادايع - 2/335 بەت.؛ ءال- ماۋسۋعاتۋل فيقھيا - 42 توم، «نياحا» . كۋۆەيت.؛ ليسانۋل اراب، حارفۋن نۋن، «ناۋح».

ابدۋسامات قاسىم

islam.kz