ا.مىرزاحمەتوۆتىڭ باسشىلىعىمەن «نۇر وتان» پارتياسىنىڭ سايلاۋالدى شتابى ءوز جۇمىسىن باستادى

استانا. قازاقپارات - بۇگىن «نۇر وتان» پارتياسىنىڭ رەسپۋبليكالىق سايلاۋالدى شتابى ءوز جۇمىسىن باستادى.

بۇل تۋرالى بۇگىن پارتيانىڭ ورتالىق اپپاراتىندا وتكەن بريفينگتە پارتيا ءتوراعاسىنىڭ ءبىرىنشى ورىنباسارى اسقار مىرزاحمەتوۆ ءمالىم ەتتى.

«شتاب جۇمىسىنىڭ مىندەتى - «نۇر وتان» پارتياسىنىڭ پارلامەنتتىك جانە ءماسليحات سايلاۋىندا ايقىن جەڭىسىنە قول جەتكىزۋ»، - دەدى ا. مىرزاحمەتوۆ.

شتاب قۇرامىنا تانىمال پارتيا جانە قوعام قايراتكەرلەرى، پارتيانىڭ ساياسي كەڭەسىنىڭ مۇشەلەرى كىرگەن. مۇنان بولەك، وتكەن سايلاۋ ناۋقاندارىنا قاتىسىپ، مول تاجىريبە جيناعان ازاماتتارمەن قاتار ش ت ب ا قۇرامىنا جاستار ۇيىمدارىنىڭ بەلسەندى وكىلدەرى دە كىرىپ وتىر. پارتيا ءتوراعاسى ن. نازاربايەۆتىڭ تاپسىرماسىمەن «نۇر وتاننىڭ» سايلاۋالدى شتابىن باسقارۋ اسقار مىرزاحمەتوۆكە جۇكتەلگەن.

ا. مىرزاحمەتوۆتىڭ ايتۋىنشا، «نۇر وتان» پارتياسى بيلىكتەگى باسىمدىققا يە جانە جاۋاپكەرشىلىگى مول ساياسي كۇش رەتىندە ءوز سايلاۋالدى باعدارلاماسىندا جاڭا ۇدەرىستەرگە جاۋاپ بەرەتىن جانە بىرلىك، تۇراقتىلىق پەن جاسامپازدىقتى قامتاماسىز ەتۋگە باعىتتالعان ەلباسى انىقتاپ بەرگەن مەملەكەتتىك باعداردى جۇزەگە اسىرۋ جونىندەگى العا قويىلعان ماقساتتارعا قول جەتكىزۋ ءۇشىن ناقتى مەجەلەردى بەلگىلەدى.

بۇگىنگى تاڭدا پارتيادا ءتۇرلى الەۋمەتتىك توپتارعا جاتاتىن تۇرعىندارمەن ناقتى ءىس-قيمىل جوسپارى ازىرلەنىپ، رەسپۋبليكالىق جەلىلىك كەستەسى قابىلداندى، مەديالىق جوسپارى بەكىتىلدى.

ەلىمىزدىڭ بارلىق وڭىرلەرىندە سەنىمدى وكىلدەر مەن پارتيا بەلسەندىلەرىنىڭ جۇمىسىن ۇيلەستىرەتىن ءدال وسىنداي سيپاتتاعى 16 ايماقتىق جانە 208 اۋماقتىق شتاب قۇرىلماق. ولاردىڭ قۇرامىنا 3,5 مىڭنان اسا ادام كىرەدى. بارلىق شتابتاردىڭ جۇمىسىن 29 مىڭنان استام سەنىمدى وكىل، سونىمەن قاتار 27 مىڭنان استام پارتيا بەلسەندىسى قاتىساتىن بولادى.

اۆتور: مارلان جيەمباي