سپورتشىلار مەن ونەر يەلەرى ءماجىلىس دەپۋتاتتىعىنا ۇمىتكەرلەردىڭ تىزىمىنە ەندى
وعان رەسپۋبليكاعا بەلگىلى ساياساتكەرلەر، قوعام قايراتكەرلەرى، سپورتشىلار مەن ونەر يەلەرى ەندى.
ەسكە سالا كەتەيىك، ءماجىلىس دەپۋتاتتارىنىڭ سانى 98 ادامدى قۇرايدى. الايدا، پارتيالار وسى سانعا قوسىمشا 30 پايىزعا ۇمىتكەرلەر ءتىزىمىن ارتتىرىپ، بەكىتە الادى. سوعان بايلانىستى پارتيالىق تىزىمدە 127 ادام قامتىلعان، بۇل كانديداتتاردىڭ ءتىزىمى «نۇر وتان» پارتياسىنىڭ ساياسي كەڭەسىندە الدىن الا ماقۇلدانعان.
ۇمىتكەرلەر اراسىندا بەسىنشى شاقىرىلىمنىڭ ءبىرقاتار دەپۋتاتتارى، ءبىرقاتار وبلىس اكىمدەرى، مينيسترلەر مەن ۇكىمەت مۇشەلەرى، سپورتشىلار مەن انشىلەر دە بار.
ماسەلەن، پارتيالىق ءتىزىم بويىنشا بەلگىلى بوكسشى گەننادي گولوۆكين مەن الەم جانە وليمپيادا چەمپيوندارى سەرىك ساپيەۆ، يليا يلين ەندى. سونىمەن قاتار، ەلىمىزدىڭ تانىمال انشىلەرى قايرات نۇرتاس پەن جانار دوعالوۆا، ايمان مۇساقوجايەۆالار ءوتتى. ءبىرقاتار مينيسترلەر مەن اكىمدەر، ۇلتتىق كومپانيا باسشىلارى دا پارتيالىق تىزىمگە ەنگەن. ماسەلەن، مينيسترلەر اراسىندا ارىستان مۇحامەدي ۇلى، باقىت سۇلتانوۆ، ۇكىمەت باسشىسىنىڭ ورىنباسارى داريعا نازاربايەۆا، ق ر پرەزيدەنتى اكىمشىلىگىنىڭ باسشىسى نۇرلان نىعماتۋليندەر دە بار. وبلىس اكىمدەرى، سولاردىڭ ىشىندە بەردىبەك ساپاربايەۆ، سەرگەي كۋلاگين، اليك ايداربايەۆ، اماندىق باتالوۆ، دانيال احمەتوۆتەر ەندى.
ۇلتتىق سپورت تۇرلەرى قاۋىمداستىعىنىڭ پرەزيدەنتى بەكبولات تىلەۋحان، ۇلتتىق مۋزەي ديرەكتورى دارحان مىڭباي، «استانا ەكسپو-2017» ۇ ك پرەزيدەنتى احمەتجان ەسىموۆ، اكتەر نۇرلان ءالىمجانوۆ تا بۇل ءتىزىمنىڭ ىشىندە بار بولىپ شىقتى.
اۆتور: قانات مامەتقازى ۇلى
