ەلباسى گولوۆكينگە قارسىلاستارىن كوبىرەك سۇلاتىپ، سوسىن ۇيگە قايتۋدى تاپسىردى
«ءبىزدىڭ جيىنىمىزعا گەننادي گولوۆكين دە قاتىسىپ وتىر. بۇكىل قازاقستان سەن بوكس رينگىنە شىققاندا ساعان جانكۇيەر بولادى. ءتۇننىڭ جارىمىندا، امەريكامەن ساعاتتىڭ قانشاما ايىرماشىلىعىنا قاراماستان جۇرت تاعاتسىزدانا كۇتەدى. ولاردىڭ ءبارىن دە سۇلات تا، قازاقستانعا ورال»، - دەدى ازىلدەي سويلەگەن ەلباسى. ءوز كەزەگىندە گەننادي دا «مىندەتتى تۇردە» دەپ جاۋاپ بەردى.
سونىمەن قاتار، پرەزيدەنت الەم چەمپيونى، وليمپيادا ويىندارىنىڭ جەڭىمپازى يليا يليندى قازاقستاننىڭ ماقتانىشى رەتىندە اتاپ ءوتتى. «قازاقتىڭ بارىسى بەيبىتتىڭ (ىستىبايەۆ) جانىندا ءاليا (يۋسۋپوۆا) دا وتىر. وليمپيادا چەمپيونى سەرىك ساپيەۆ تە وسىندا. ءبارىن سانامالاي بەرمەيىن، ولاردىڭ بارلىعى قازاقستاندى ناسيحاتتاۋعا وزدەرىنىڭ زور ۇلەسىن قوسىپ جاتىر. ءبىزدىڭ رۋحىمىز بيىك. مىنە، قازاقستاننىڭ رۋحىن الەم الدىندا ابىرويمەن ارتتىرىپ جۇرگەن وسى سپورتشىلارىمىز. ءبىز ەكونوميكا مەن ساياساتتاعى دەرجاۆا ەمەس، سپورتتىق دا دەرجاۆامىز. جاستار وسى ءبىزدىڭ ماقتانىشتارىمىزعا قاراپ ۇلگى السىن»، - دەدى ن. نازاربايەۆ.
اۆتور: قانات مامەتقازى ۇلى
