12:52, 29 - قاڭتار 2016 | GMT +5
ۇلت جوسپارى «نۇر وتان» پارتياسىنىڭ سايلاۋالدى باعدارلامامىزدىڭ وزەگى بولىپ تابىلادى - ن. نازاربايەۆ
قازاقپارات. استانا - داعدارىس تا جاڭا دەڭگەيگە كوتەرىلۋگە سەپتىگىن تيگىزەدى. بۇگىن استانادا ءوتىپ جاتقان «نۇر وتان» ساياسي پارتياسىنىڭ كەزەكتەن تىس XVII سەزىندە پارتيا ءتوراعاسى، ەلباسى نۇرسۇلتان نازاربايەۆ وسىلاي مالىمدەدى.
مەملەكەت باسشىسى ءسوز اراسىندا «100 ناقتى قادام» ۇلت جوسپارىن جۇزەگە اسىرۋ تەتىكتەرىنە توقتالا كەلە، بارلىق دەڭگەيدەگى اكىمدەرگە، پارتيالىق ۇيىمدارعا وسىعان جۇمىلۋدى جۇكتەدى.
«بۇل ءبىزدىڭ باستى مىندەتىمىز. ءبىز اسا كۇردەلى ەكونوميكالىق دامۋ كەزەڭىندە رەفورمالاردى قولعا الىپ وتىرمىز. بۇل سولاي بولۋى دا كەرەك. داعدارىستىڭ ءوزى جاڭا دەڭگەيگە كوتەرىلۋگە سەپتىگىن تيگىزەدى. سوندىقتان دا، «نۇر وتان» پارتياسىنىڭ، ونىڭ ءاربىر مۇشەسىنىڭ مىندەتى - وسى. ۇلت جوسپارى - ءبىزدىڭ الداعى بەس جىلدىعىمىزدى قامتيتىن سايلاۋالدى باعدارلامامىزدىڭ وزەگى»، - دەدى ەلباسى.
اۆتور: قانات مامەتقازى ۇلى
