15:58, 27 - قاڭتار 2016 | GMT +5
ن. نازاربايەۆتىڭ بۇرىن جاريالانباعان فوتوسۋرەتتەرى ينستاگرامعا سالىنادى
استانا. قازاقپارات - اقوردانىڭ باسپا ءسوز قىزمەتى Facebook الەۋمەتتىك جەلىسىندەگى رەسمي پاراقشاسىندا مەملەكەت باسشىسىنىڭ بۇرىن جاريالانباعان سۋرەتىن ورنالاستىردى.
«بۇل كادر قازاق حاندىعىنىڭ 550 جىلدىعىن مەرەكەلەۋ اياسىندا تاراز قالاسىنا ساپارى كەزىندە تۇسىرىلگەن»، - دەپ جازىلعان فوتونىڭ استىندا.
اتاپ وتىلگەندەي، بۇل فوتوسۋرەت نۇرسۇلتان نازاربايەۆتىڭ قاتىسۋىمەن وتكەن، بۇرىن ب ا ق بەتتەرىندە جاريالانباعان فوتوسۋرەتتەر جينالعان مەملەكەت باسشىسىنىڭ «پرەزيدەنت: بەيرەسمي راكۋرس» اتتى كىتابىنان الىندى.
ولاردىڭ كەيبىرەۋلەرى اپتا سايىن اقوردانىڭ ينستاگرامداعى رەسمي پاراقشاسىندا ورنالاستىرىلاتىن بولادى.
