س. كۋلاگين مەملەكەت باسشىسىنا ايماقتىڭ الەۋمەتتىك- ەكونوميكالىق دامۋى جايلى باياندادى

بۇل تۋرالى اقوردانىڭ باسپا ءسوز قىزمەتىنەن حابارلادى.

كەزدەسۋدە س. كۋلاگين مەملەكەت باسشىسىنا ايماقتىڭ الەۋمەتتىك- ەكونوميكالىق دامۋىن، سونىمەن قاتار الداعى ۋاقىتتاعى مىندەتتەر جايلى باياندادى.

 نۇرسۇلتان نازاربايەۆ بۇگىن وبلىستار اراسىنداعى تاۋارلىق ءوزارا اۋىسىمدى وڭ جولعا قويىپ، وسى ماقساتپەن ءار ايماقتا ءوندىرىس پەن تۇتىنۋ بالانسىن جۇرگىزۋ كەرەكتىگىن اتاپ ءوتتى.

 اقمولا وبلىسىنىڭ اكىمى 2015 -جىلعى ونەركاسىپتىك ءوندىرىس كولەمىنىڭ ءوسىمى %6,9، اۋىل شارۋاشىلىعى ءونىمىنىڭ ءوسىمى %2,1، قۇرىلىس جۇمىستارىنىڭ ءوسىمى %6,1 قۇراعانىن جەتكىزدى.

س. كۋلاگين وڭىردەگى ازىق- تۇلىك تاۋارلارىنىڭ باعاسىن تۇراقتاندىرۋ بويىنشا قابىلدانىپ جاتقان شارالار جايلى ايتتى.

 سونداي- اق ەلباسىنا يندۋستريالاندىرۋ كارتاسىن جۇزەگە اسىرىلۋ بارىسى جايلى اقپارات ايتىلدى. وسىلايشا، سوڭعى ەكى جىلدا يندۋستريالدىق- يننوۆاتسيالىق دامۋ باعدارلاماسى اياسىندا جالپى سوماسى 63,6 ميلليارد تەڭگەنى قۇرايتىن 21 جوبا ەنگىزىلدى. ءسويتىپ 1,7 مىڭنان استام جۇمىس ورنى اشىلدى.

 سونىمەن بىرگە، استانانىڭ «ازىق- تۇلىك بەلدەۋى» اياسىندا پەرسپەكتيۆالىق جوبالار تالقىلاندى.

جيىن قورىتىندىسى بويىنشا ەلباسى ءبىرقاتار تاپسىرما جۇكتەدى.