شي جينپيڭ نۇرسۇلتان نازاربايەۆتى «ۇلكەن جيىرمالىق» سامميتىنە شاقىردى

بۇل تۋرالى بۇگىن «ءبىر بەلدەۋ - ءبىر جول» اتتى حالىقارالىق كونفەرەنتسيا بارىسىندا ق ح ر- دىڭ قازاقستانداعى توتەنشە جانە وكىلەتتى ەلشىسى جان حانحۋەي ءمالىم ەتتى.

«2015 -جىلى ەكى ەل اراسىنداعى ىنتىماقتاستىق جاڭا ساپالى دەڭگەيگە كوتەرىلگەنىن بىلەمىز. ەكى ەل باسشىلارى ءبىر- بىرىنە ساپارمەن كەلىپ، قازاقستاننىڭ پرەمەر- ءمينيسترى قىتايعا ەكى رەت رەسمي ساپارمەن باردى. سوندىقتان، وسى جىلى دا ىنتىماقتاستىقتىڭ وسىنداي ءۇردىسىن جالعاستىرامىز دەپ ويلايمىن. وسى رەتتە، ايتا كەتەيىن دەگەنىم، قازاقستان پرەزيدەنتى بيىل دا ءبىزدىڭ ءتوراعانىڭ شاقىرتۋىمەن قىتايعا كەلەدى. ناقتىراق ايتسام، نۇرسۇلتان نازاربايەۆ قىركۇيەك ايىندا وتەتىن «ۇلكەن جيىرمالىقتىڭ» سامميتىنە قاتىسادى»، - دەپ ءمالىم ەتتى ەلشى.

ايتا كەتەيىك، 2016 -جىلدىڭ 4-5 -قىركۇيەگىندە قىتايدىڭ حاڭجوۋ قالاسىندا «G-20»، ياعني، «ۇلكەن جيىرمالىق» ەلدەرىنىڭ ءسامميتى وتەدى.

اۆتور: كەنجەكەي توقتامۇرات قىزى