ۇكىمەت مۇناي باعاسىنىڭ تومەندەۋى جاعدايىنداعى ەكونوميكانىڭ دامۋ بارىسىن قاراستىراتىن بولادى - ب. سۇلتانوۆ

 بۇل تۋرالى بۇگىن ءماجىلىستىڭ جالپى وتىرىسىنان كەيىن جۋرناليستەرگە بەرگەن سۇحباتىندا ق ر قارجى ءمينيسترى باقىت سۇلتانوۆ مالىمدەدى.

«بىلتىر مەملەكەت باسشىسى مۇناي باعاسىنىڭ باررەلىنە 30 جانە 20 دوللارعا دەيىن قۇلدىراۋ جاعدايىنا قاتىستى نۇسقالاردى قاراۋدى تاپسىرعان بولاتىن. ءبىز ونداي جاعدايلاردى دا سارالادىق. كەلەسى اپتادا ۇكىمەت باسشىسىنىڭ جەتەكشىلىگىمەن ەكونوميكالىق ساياسات جونىندەگى كەڭەستىڭ وتىرىسى وتەدى. سوندا ءبىز بۇل ماسەلەنى قاراستىراتىن بولامىز»، - دەدى جۋرناليستەر ساۋالىنا جاۋاپ بەرگەن ب. سۇلتانوۆ.

ونىڭ ايتۋىنشا، قالىپتاسقان جاعدايعا قاتىستى بيۋدجەت قايتا قارالۋى دا مۇمكىن. «ءبىز بارلىق پارامەترلەردى قاراستىراتىن بولامىز، قازىرگى ناقتى جاعدايدا مۇناي باررەلى 30 جانە 40 دوللار شاماسىندا بولىپ وتىر. سوندىقتان دا، وسى سسەناري شىنايى جاعدايدى بىلدىرەدى»، - دەدى مينيستر.

بۇدان بولەك، باقىت سۇلتانوۆ ءماجىلىستىڭ كەزەكتەن تىس سايلاۋىنا قاتىستى ماسەلەگە دە تۇسىنىك بەرىپ ءوتتى. «بىزدە جىل سايىن سايلاۋعا قاتىستى 4 ميلليارد تەڭگە شاماسىندا بيۋدجەت بەكىتىلىپ تۇرادى. بۇل وزگەرىستەر سەناتتا، ماجىلىستە، ءماسليحاتتارعا، سونداي اق قايتا سايلاۋلارعا قاتىستى بولىپ وتىر. 2016 - جىلعا ءبىزدىڭ بيۋدجەتتە 4 ميلليارد تەڭگە قاراستىرىلعان، بۇل ماسەلە الدا ءالى دە قارالۋى مۇمكىن» - دەدى ب. سۇلتانوۆ.

اۆتور: قانات مامەتقازى ۇلى