ۇلت جوسپارىن ورىنداي وتىرىپ، ءبىز ءوزىمىزدىڭ ۇلتتىڭ ورلەۋ ءداۋىرىنىڭ كوكجيەكتەرىن كەڭەيتەمىز - ن. نازاربايەۆ
بۇل تۋرالى «ۇلت جوسپارى - قازاقستاندىق ارمانعا باستايتىن جول» ماقالاسىندا مەملەكەت باسشىسى نۇرسۇلتان نازاربايەۆ ءمالىم ەتتى.
«ۇلت جوسپارىن ءىس جۇزىندە جۇزەگە اسىرۋ كەزەڭى باستالدى. ول جاڭعىرتۋ جونىندەگى ۇلتتىق كوميسسيانىڭ باقىلاۋىمەن جۇرەتىن بولادى. بارلىق مەملەكەتتىك ورگانداردان، قوعامدىق ينستيتۋتتار مەن ازاماتتاردان ءىس- قيمىلدىڭ ۇيلەسىمدىلىگى، تاباندىلىق، كرەاتيۆتىلىك جانە قاجىرلىلىق تالاپ ەتىلەدى. بىزگە ۇلكەن جولدان وتۋگە تۋرا كەلەدى، ول بويىنشا ءبىز ءقازىر العاشقى 100 قادامدى جاساۋدامىز. باسقا قادامدار دا بولادى، مەن وعان اينا- قاتەسىز سەنىمدىمىن. ەۆوليۋتسيالىلىق جانە تۇتاستاي قامتۋشىلىق - شيرەك عاسىرلىق مەرەيتويىنا قادام باسىپ، ءبىزدىڭ تاۋەلسىزدىگىمىزدىڭ تاريحىن العا باستىرىپ وتىرعان جاڭعىرتۋ ۇدەرىسىنىڭ باستى قاعيداتى دا وسى»، - دەدى ەلباسى.
پرەزيدەنتتىڭ اتاپ وتۋىنشە، قازاقستاندىقتاردىڭ بارلىعى جاڭعىرتۋدىڭ تەك قۋاتتى مەملەكەت پەن ۇلتتىڭ توپتاسقاندىعى جاعدايىندا عانا تابىستى بولاتىنىن ەستەن شىعارماۋعا ءتيىس.
«ول تارتىپكە باستاۋى ءتيىس. بىرىنشىدەن، مەملەكەتتەگى تارتىپكە. ەكىنشىدەن، بارشا ءۇشىن دە مىندەتتى زاڭداردىڭ قارىپىندە بەينەلەنگەن بيزنەستەگى بارشا ءۇشىن ءمولدىر جانە مىندەتتى ەرەجەلەردى ورناتۋعا. ۇشىنشىدەن، قوعامدىق جانە ساياسي ومىردەگى ءتارتىپ پەن كەلىسىمگە»، - دەپ اتاپ ءوتتى مەملەكەت باسشىسى.
ء«بىز كوپتەگەن سىناقتارعا ابىرويلى توتەپ بەردىك، شىنىقتىق، رۋحىمىزدى كۇشەيتتىك. ءبىز جاڭا قازاقستاندى - ۇلى دالا ەلىن قۇردىق. ۇلت جوسپارىن ورىنداي وتىرىپ، ءبىز ءوزىمىزدىڭ ۇلتتىڭ ورلەۋ ءداۋىرىنىڭ كوكجيەكتەرىن كەڭەيتەمىز، ءوزىمىز تاۋەلسىزدىك جىلدارى ىشىندە قول جەتكىزگەن جانە بىزگە جاھاندىق دامۋ بەرگەن بارلىق مۇمكىندىكتەردى پايدالانامىز. الەمدە، ءسوز جوق، ءۇشىنشى الەمنەن بىرىنشىگە قادام باسقان ەلدەردىڭ مىسالدارى بار. ءبىز ولاردىڭ جارقىن تاجىريبەلەرىن زەرتتەيمىز جانە ەسكەرەمىز»، - دەپ ناقتىلادى ن. نازاربايەۆ.
پرەزيدەنتتىڭ ءسوزى بويىنشا، ءقازىر قازاقستان ەكونوميكانىڭ، مەملەكەت پەن قوعام دامۋىنىڭ ەڭ تابىستى جاھاندىق مودەلدەرىن ولشەم رەتىندە الۋدا.
«بۇگىندە الەمدە ءوزىنىڭ جالپىۇلتتىق ارمانىن ۇمىت قالۋدىڭ ءجۇزجىلدىعىنان شىعا وتىرىپ، الەمنىڭ ەڭ ۇلى ۇلتتارىمەن ءبىر قاتاردا تۇرۋ تۇرعىسىندا بەينەلەيتىندەر كەم دە كەم. ءبىز قازاقستاننىڭ وسىناۋ تاريحي تاعدىرىنا سەنەمىز. مەن قازاقستاندىقتاردى ۇلت جوسپارىن جۇزەگە اسىرۋعا جانە رەفورمالاردى جۇرگىزۋگە بارىنشا بەلسەندى قاتىسۋعا، ولار اشاتىن مۇمكىندىكتەردى پايدالانۋعا شاقىرامىن. ءبىز ءوزىمىزدىڭ قازاقستاندىق ارمانىمىزدىڭ ورىندالۋىنا جانە قازاقستاننىڭ وركەندەۋىنە سەنىمدى تۇردە قول جەتكىزەتىن بولامىز!»، - دەپ ءتۇيدى ءسوزىن ەلباسى.
