21:03, 29 - جەلتوقسان 2015 | GMT +5
ن. نازاربايەۆ استانادا جاڭاجىلدىق قايىرىمدىلىق كەشىنە قاتىستى
استانا. قازاقپارات - بۇگىن ق ر پرەزيدەنتى نۇرسۇلتان نازاربايەۆ «دۋمان» ويىن-ساۋىق كەشەنىندە وتكەن جاڭاجىلدىق ەلوردالىق كەشكە قاتىستى.
بۇل تۋرالى اقوردانىڭ باسپا ءسوز قىزمەتى حابارلادى.
جينالعاندارعا ءسوز ارناعان مەملەكەت باسشىسى الداعى جىلدى رەسپۋبليكامىز ءوز تاۋەلسىزدىگىنىڭ 25 جىلدىعى اياسىندا وتكىزەتىنىن ايتتى.
- ۇلى مەرەكەنى لايىقتى قارسى الۋ ءۇشىن بۇكىل ەلىمىز جۇمىلا ەڭبەك ەتەتىن بولادى. ەگەمەندىك جىلدارى جاڭا ەل قالىپتاستى، وعان بارشا قازاقستاندىقتاردىڭ كۇش-جىگەرى ارقىلى قول جەتكىزىلدى. كوپ ەتنوستى جانە كوپ كونفەسسيالى حالقىمىزعا بىرلەسكەن جۇمىس ءۇشىن زور العىسىمدى بىلدىرگىم كەلەدى، - دەدى قازاقستان پرەزيدەنتى.
نۇرسۇلتان نازاربايەۆ بارشانى الداعى جاڭا جىلمەن قۇتتىقتادى جانە ەلىمىزگە يگىلىك، ءار ۇيگە تاتۋلىق پەن كەلىسىم تىلەدى.
قايىرىمدىلىق كەشىنەن تۇسكەن قاراجات تۇگەلىمەن «مەيىرىمدىلىك» ەرىكتى قوعامى» قورىنا اۋدارىلادى.
