قىزىلوردا وبلىسى داعدارىسقا قاراماستان يندۋستريالىق جوبالاردان باس تارتپايدى - ق. كوشەربايەۆ

استانا. قازاقپارات - قىزىلوردا وبلىسى داعدارىسقا قاراماستان يندۋستريالىق جوبالاردان باس تارتپايدى.

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ايماق باسشىسى قىرىمبەك كوشەربايەۆ ءمالىم ەتتى.

«سىن-قاتەرلەرگە قارسى جالعىز دۇرىس رەاكسيا بۇل ەكونوميكانى ءارتاراپتاندىرۋداعى قارقىندى جۇمىستار ەكەندىگىنە سەنىمدىمىن. بۇل - ءبىزدىڭ داعدارىسقا جاۋابىمىز. سوندىقتان دا، بىزدەر بۇعان دەيىن ورتالىق كوممۋنيكاتسيالار قىزمەتىندە وتكەن بريفينگتە حابارلاعان جوبالاردىڭ بىردە بىرىنەن باس تارتپايمىز»، - دەدى اكىم.

ءوڭىر باسشىسىنىڭ ايتۋىنشا، قىزىلوردا وبلىسىندا سوڭعى 3 جىلدا وڭدەۋ ونەركاسىبى 122,2 پايىزعا ءوستى.

«رەسپۋبليكا بويىنشا ورتاشا كورسەتىش 102,5 پايىزدى قۇرايدى. ەگەر وڭدەۋ سەكتورىنداعى ءوسىم ۇلەسى بىزدە 2012 -جىلى جالپى ىشكى ءونىمنىڭ 4,5 پايىزىن قۇراسا، بۇگىندە 13,5 پايىزعا جەتىپ وتىر. بۇل ءوڭىر ەكونوميكاسىن شىنايى ءارتاراپتاندىرۋ جۇرگىزىلىپ جاتقاندىعىن بىلدىرەدى، ەكونوميكا قۇرىلىمى دا وزگەرۋدە»، - دەدى ق. كوشەربايەۆ.

سونىمەن قاتار، ول ەلباسى ن. نازاربايەۆتىڭ 10 جىلدا وڭدەۋ ونەركاسىبىندەگى ەڭبەك ونىمدىلىگىن 2 ەسەگە ارتتىرۋ تۋرالى تاپسىرما جۇكتەگەنىن اتاپ ءوتتى.

«بىزدەر سوڭعى 3 جىلدىڭ ىشىندە ونەركاسىپ دەڭگەيىن 4,5 ەسە كوتەرە الدىق»، - دەدى وبلىس اكىمى.

اۆتور: مارلان جيەمباي