الەمگە تانىمال كوشباسشىلاردىڭ انالارى - فوتو

استانا. قازاقپارات - بۇل ايەلدەر تاريح كولەڭكەسىندە قالىپ قويعانىمەن، ۇل- قىزدارىنىڭ بيىككە جەتۋىنە سەبەپشى بولعان.

بالالارى ءوز ەلىنىڭ تاريحىندا ايشىقتى ءىز قالدىرىپ جاتقاندا، اركەز جانىنان تابىلعان انالارى تۋرالى نە بىلەمىز؟

ZTB. KZ- مەملەكەت باسشىلارىنا ءومىر سىيلاعان تۇلعالاردىڭ فوتوسىن نازارلارىڭىزعا ۇسىنادى.

قازاقستان پرەزيدەنتى نۇرسۇلتان نازاربايەۆتىڭ اناسى - ءالجان (1910-1977).

 

ول جامبىل وبلىسى قورداي اۋدانى قاسىق (بۇگىندە تالاپتى) اۋىلىندا دۇنيەگە كەلگەن. اكەسى ۇلى ءجۇزدىڭ دۋلات رۋىنان شىققان جاتقانباي مولدا. ول ءومىر بويى ۇجىمشاردا قىزمەت ەتىپ، ءۇي شارۋاشىلىعىن قاتار الىپ وتىرعان. بولاشاق پرەزيدەنتتىڭ اتا-اناسى ءبىر-بىرىمەن تۇرىكسىب قۇرىلىسىندا تانىسقان. ءابىش ول جەردە ءوز ەركىمەن جۇمىسقا تۇرسا، ءالجاننىڭ وتباسى ەركىنەن تىس جۇمىستارعا سالىنعان. ەكەۋى 1934 -جىلى وتاۋ قۇرادى. العاشقى 6 جىلدا ورتاق بالالارى بولمايدى. سول سەبەپتى، كوپتەن كۇتكەن مۇراگەردىڭ دۇنيەگە كەلۋى ولار ءۇشىن ۇلكەن قۋانىش بولعان.

بەلارۋس پرەزيدەنتى الەكساندر لۋكاشەنكونىڭ اناسى - ەكاتەرينا تروفيموۆنا لۋكاشەنكو.

 

1924 -جىلى دۇنيەگە كەلىپ، 2015 -جىلدىڭ 26 -مامىرىندا دۇنيەدەن وزدى. ەكاتەرينا لۋكاشەنكو الەكساندريالىق مەكتەپتىڭ 4 سىنىبىن بىتىرگەن. ەرتە جۇمىس ىستەۋگە كىرىسىپ، 1944-1949 -جىلدارى تەمىر جولدا ەڭبەك ەتەدى. كەيىن قۇرىلىستا، زاۋىتتا جۇمىس اتقارادى. 1957 -جىلى الەكساندرياعا قايتىپ ورالىپ، 1979 -جىلعا دەيىن سول جەردە ساۋىنشى بولىپ قىزمەت ەتەدى. زەينەتكە شىققاننان كەيىن ەكاتەرينا لۋكاشەنكو تاعى 4 جىل جۇمىسىن جالعاستىرعان. ءتۇرلى ديپلومدار مەن ماراپات قاعازدارىنا يە بولعان.

رەسەي پرەزيدەنتى ۆلاديمير پۋتيننىڭ اناسى - ماريا يۆانوۆنا شەلوموۆا (1911-1998).

 

تۆەرسك وبلىسىنىڭ زارەچە اۋىلىندا شارۋالار وتباسىندا دۇنيەگە كەلگەن. زاۋىتتا قىزمەت ەتىپ، لەنينگرادتى قورشاۋدى باسىنان وتكەرگەن. «لەنينگرادتى قورعاعانى» ءۇشىن مەدالمەن ماراپاتتالعان.

ا ق ش- تىڭ 44- پرەزيدەنتى باراك وبامانىڭ اناسى - ەنن دانحەم.

 

1942 -جىلدىڭ 29 -قاراشاسىندا ا ق ش- تىڭ كانزاس شتاتىنداعى ۋيچيتو ەلدى مەكەنىندە دۇنيەگە كەلگەن. ەنن العاشقى كۇيەۋى، گاۆاي ۋنيۆەرسيتەتىنىڭ افريكالىق ستۋدەنتى، ۇلكەن - باراكا وبامانى ورىس تىلىنەن ساباق الۋ كەزىندە جولىقتىرعان. 1961 -جىلدىڭ 4 -تامىزىندا ولاردىڭ ورتاق ۇلدارى باراك حۋسەين وباما دۇنيەگە كەلەدى. دانحەم كۇيەۋىمەن 1964 -جىلى اجىراسۋ تۋرالى ءوتىنىش جاساپ، 1964 -جىلدىڭ 20 -ناۋرىزىندا ەكەۋى ايىرىلىسادى. ۇلكەن- وباما ۇلى كىشى- وبامانىڭ تەك 1971 -جىلى ءبىر- اق رەت كورگەن. ول كەزدە بولاشاق پرەزيدەنت نەبارى 10 جاستا بولاتىن.

ەنن دانحەم انتروپولوگيا مەن جەرگىلىكتى ايماقتى دامىتۋدىڭ مامانى بولعان. 1995 -جىلدىڭ 7 -قاراشاسىندا قاتەرلى ىسىكتەن كوز جۇمعان.

ا ق ش- تىڭ 43- پرەزيدەنتى كىشى- دجوردج بۋشتىڭ اناسى - باربارا بۋش.

 

باربارا بۋش 1925 -جىلى دۇنيەگە كەلگەن. بولاشاق كۇيەۋى دجوردج بۋشپەن 16 جاسىندا روجدەستۆولىق بالل كەزىندە تانىسقان. ءبىر جارىم جىلدان كەيىن بۋش اسكەرگە كەتپەس بۇرىن ونىمەن ءسوز بايلاسادى. 1945 -جىلدىڭ 6 -قاڭتارىندا ولار نەكەلەرىن قيىپ، سوعىس بىتكەندە ميدلەندكە (شتات تەحاس) كوشىپ بارادى. ورتاق التى بالاسى دۇنيەگە كەلەدى، ولاردىڭ ەڭ ۇلكەنى - دجوردج بۋش. قازىرگى ۋاقىتتا باربارا بۋش كۇيەۋىمەن بىرگە حيۋستوننىڭ تەحاس شتاتىندا تۇرىپ جاتىر.

رەسەي پرەمەر- ءمينيسترى دميتري مەدۆەديەۆتىڭ اناسى - يۋليا ۆەنيامينوۆنا مەدۆەديەۆا (كۇيەۋگە شىقپاي تۇرعانداعى تەگى- شاپوشنيكوۆا).

 

1939 -جىلدىڭ 21 قاراشاسىندا دۇنيەگە كەلگەن. فيلولوگ، ا. ي. گەرتسەن اتىنداعى پەداگوگيكالىق ينستيتۋتتا ءدارىس بەرگەن، كەيىن پاۆلوۆسكىدە ەكسكۋرسيا جەتەكشىسى قىزمەتىن اتقارعان.

رەسەي فەدەراتسياسىنىڭ تۇڭعىش پرەزيدەنتى بوريس ەلتسيننىڭ اناسى - كلاۆديا ستارىگينا (1908-1993).

 

ەكى بالانى دۇنيەگە اكەلگەن، شارۋالار وتباسىنان شىققان، تىگىنشى.

ستاليننىڭ اناسى - ەكاتەرينا گەورگيەۆنا گەلادزە (1858-1937) .

 

 ەكاتەرينا (كەكە) گەلادزە پراۆوسلاۆيالىق گرۋزين اۋىلىندا دۇنيەگە كەلگەن. 17 جاسىندا ۆيسساريون (بەسو) دجۋگاشۆيليگە تۇرمىسقا شىعادى. يوسيفتىڭ تۋىلعان سوڭ ۆيسساريون قاتتى ىشكىلىككە سالىنادى. سول سەبەپتى، كەكە ونى تاستاپ كەتەدى. ستاليننىڭ اناسى وتە قاتىگەز جانە قاتال ادام بولاتىن. كوپ جۇمىس ىستەپ، بالاسى ءۇشىن ءبارىن بەرۋگە تىرىسقان. ونىڭ شىركەۋ قىزمەتكەرى بولعانىن قالاعان.

ميحايل سەرگەيەۆيچ گورباچەۆتىڭ اناسى - ماريا پانتەلەيەۆنا گوپكالو (1911-1993).

 

ول قاراپايىم شارۋا بولاتىن. ءومىر بويى ۇجىمشاردا جۇمىس ىستەپ كەلگەن. اسكەري كەزەڭنىڭ العاشقى قىسىندا قاماۋعا الىنىپ، بىرنەشە كۇنىن اۋداندىق تۇرمەدە وتكىزگەن. كۇيەۋىنىڭ قازاسىنان كەيىن ۇيىندە جالعىز ءوزى تۇرىپ، زەينەتاقى الىپ وتىرعان. باقشاسىن كۇتىپ، ءومىر سۇرگەن. الايدا گورباچەۆ بارلىق شەنىنەن ايىرىلعاننان كەيىن وعان بۇرىنعىداي كۇتىم جاسالمادى. ك س ر و- نىڭ قۇلاعانىن سىناعان كورشىلەرى ودان تەرىس اينالادى.

ا ق ش- تىڭ 42 پرەزيدەنتى ۋيليام دجەففەرسون (بيلل) كلينتوننىڭ اناسى - ۆيردجينيا دەلل كەسسيدي (1923-1994).

 

لۋيزيانا شتاتىنىڭ انەستەزيولوگ- مەدبيكە ماماندىعىنا ءدارىس الىپ جۇرگەندە ءوزىنىڭ بولاشاق جارى ۋيلياممەن تانىسادى. 1943 -جىلى ەكەۋى نەكەلەسىپ، ەكىنشى دۇنيەجۇزىلىك سوعىس كەزىندە ۋيليام مىسىر مەن يتالياعا بورىشىن وتەۋگە اتتانادى. 1946 -جىلدىڭ 17 -مامىرىندا چيكاگودان قايتىپ بارا جاتقان جەرىندە جول اپاتىنان قازا بولادى. بيلل 4 جاسقا كەلگەندە اناسى ەكىنشى رەت تۇرمىسقا شىعادى.

بيلل كلينتون سۇحباتتارىنىڭ بىرىندە اناسىنىڭ قولداۋىمەن عانا مۇنداي جەتىستىكتەرگە جەتە العانىن ايتادى.

يتاليانىڭ ەكس- پرەمەرى سيلۆيو بەرلۋسكونيدىڭ اناسى - روزەللا بوسسي (1911-2008) .

 

ءۇي شارۋاسىنداعى ايەل. ونى بۇكىل ەل روزا انا دەپ اتاپ كەتكەن. جاعدايلارى شالقىپ تۇرماسا دا ول كۇيەۋىمەن بىرگە ۇلىنىڭ لايىقتى ءبىلىم الۋىنا جاعداي جاسايدى. سيلۆيو مەكتەپ قابىرعاسىنان باستاپ كاسىپكەرلىككە قابىلەتى بارىن بايقاتادى. العاشقى اقشاسىن تەگىن قۋىرشاق سپەكتاكلىنە بيلەتتەر ساتىپ تاپقان سيلۆيو سىنىپتاستارىنا ءۇي جۇمىسىن ورىنداۋعا دا كومەكتەسىپ جۇرگەن. ارينە كومەگى تەگىن بولماعان. ەسەسىنە تاتتىلەر نەمەسە اقشا الىپ وتىرعان. ەگەر كومەكتەسكەنى ىسكە اسپاي، وقۋشى تومەن باعا السا، ول اقشاسىن قايتارىپ بەرىپ وتىرعان.

گەرمانيا كانسلەرى انگەلا مەركەلدىڭ اناسى - گەرليندا كاسنەر.

 

1928 -جىلى گدانسكىدە دۇنيەگە كەلىپ، 1936 -جىلعا دەيىن ەلبلونگتە تۇرعان. اعىلشىن جانە لاتىن تىلدەرىنىڭ مۇعالىمى بولىپ قىزمەت ەتكەن.

فرانسيا ەكس- پرەزيدەنتىنىڭ اناسى نيكوليا ساركوزي - اندرە ساركوزي (ماللا).

 

پاريجدىڭ 17 وكرۋگىنە تانىمال دارىگەردىڭ وتباسىندا دۇنيەگە كەلگەن ول زاڭ فاكۋلتەتىندە ءبىلىم الىپ، ادۆوكات اتانادى. اكەسى اندرە - بەنەديكت ماللا يەۆرەي- سەفارد ءارى سالونيكتەن كەلگەن يمميگرانت بولعان. اناسى ادەل بۋۆە - ساۆوييدەن كەلگەن كاتوليك ءدىنى ۇستاناتىن فرانسۋز ايەلى بولعاندىقتان، اكەسى دە كاتوليك ءدىنىن قابىلدايدى.

لەنيننىڭ اناسى - ماريا الەكساندروۆنا بلانك (1835-1916).

 

ماريا الەكساندروۆنا تۇرمىستا بولعان كەزىندە 8 بالانى دۇنيەگە اكەلگەن: 4 ۇل مەن 4 قىز. ونىڭ 4 قىزى رەۆوليۋتسيونەر جولىنا تۇسكەن. ءوزى ۆلاديميردى قاشان دا قولداپ، ەكى رەت ونى كورۋ ءۇشىن شەتەلگە شىققان (فرانسياعا 1902 -جىلدىڭ جازىندا جانە ستوكگولمگە 1910 -جىلدىڭ كۇزىندە بارادى).

دجون كەننەديدىڭ اناسى - روۋز فيتسدجەرالد (1890-1995).

 

 1914 -جىلى دجوزەف پاتريك كەننەديگە تۇرمىسقا شىعادى. روزا مەن دجوزەفتىڭ 9 بالاسى بولعان. 1969 -جىلى روزا كەننەديدىڭ كۇيەۋى قايتىس بولىپ، ءوزى 104 جاسىندا 1995 -جىلى ومىردەن وتەدى. توعىز بالاسىنىڭ 4-ەۋى جانە ءۇش نەمەرەسى كوزى تىرىسىندە قايتىس بولعان.

 ۇلىبريتانيا پاتشايىمى II ەليزاۆەتانىڭ اناسى -  لەدي ەليزاۆەتا بوۋز- لايون (1900-2002) .

 

 VI گەورگ پاتشانىڭ جۇبايى. شوتلاندتىق اقسۇيەك كلود دجوردج بوۋز- لايوننىڭ وتباسىندا دۇنيەگە كەلگەن. 1923 -جىلى يوركسكيي گەرتسوگى البەرتكە تۇرمىسقا شىعادى. «جۇزىنەن كۇلكى كەتپەيتىن» گەرتسوگينيا رەتىندە تانىمال.

 NUR. KZ