ق ر پرەزيدەنتى ماسكەۋدە جوعارى ەۋرازيالىق ەكونوميكالىق كەڭەس وتىرىسىنا قاتىسۋدا
وعان قازاقستان پرەزيدەنتى نۇرسۇلتان نازاربايەۆ قاتىسۋدا.
اتالعان فورماتتاعى مەملەكەت باسشىلارىنىڭ كەزدەسۋىنەن كەيىن جوعارى ەۋرازيالىق ەكونوميكالىق كەڭەستىڭ كەڭەيتىلگەن وتىرىسى وتەدى. وندا وداق اياسىنداعى كوپجاقتى ىنتىماقتاستىق اسپەكتىلەرى، ۇيىم قىزمەتىنىڭ قازىرگى ماسەلەلەرى، سونىڭ ىشىندە ۇيىمداستىرۋشىلىق- كادرلىق سيپاتتاعى ماسەلەلەر تالقىلانادى.
سونىمەن قاتار ەۋرازيالىق ەكونوميكالىق كوميسسيا القاسىنىڭ جاڭا قۇرامىن تالقىلاپ، القا مۇشەلەرى اراسىندا مىندەتتەردى ءبولۋ، 2016 -جىلعا وداقتىڭ بيۋدجەتىن قابىلداۋ جوسپارلانۋدا.
وداقتىڭ ءۇشىنشى ەلدەرمەن حالىقارالىق ىنتىماقتاستىعىن دامىتۋ ماقساتىندا مەملەكەت باسشىلارى ە ا ە و پەن جىبەك جولىنىڭ ەكونوميكالىق بەلدەۋىنىڭ تۇيىندەسۋ ماسەلەلەرى بويىنشا باياندامانى تىڭدايدى.
وتىرىس بارىسىندا وداق شەڭبەرىندە اۆتوموبيل تاسىمالداۋ جۇيەسىندە كەزەڭ- كەزەڭمەن ىرىقتاندىرۋ باعدارلاماسىنا وزگەرىستەر ەنگىزۋ بويىنشا شەشىم قابىلدانباق.
سونداي- اق ماجىلىستە قازاقستاننىڭ وداقتىڭ بارلىق ورگانىنا ءتوراعالىق ەتۋى جونىندە شەشىم قابىلداناتىن بولادى ( 2016 -جىلعى كوميسسيا القاسىنان باسقا).
