ەلباسى مەن رەسەيلىك ۋنيۆەرسيتەتتىڭ رەكتورى قازاقستان مەن رەسەيدىڭ جوعارى وقۋ ورىندارىنىڭ ءوزارا ىقپالداستىعىن تالقىلادى
كەزدەسۋ بارىسىندا قازاقستان مەن رەسەيدىڭ جەتەكشى جوعارى وقۋ ورىندارىنىڭ ءوزارا ىقپالداستىعى ماسەلەلەرى، سونداي-اق ەكى ەلدىڭ ءبىلىم بەرۋ سالاسىنداعى ىنتىماقتاستىعىنىڭ پەرسپەكتيۆالى باعىتتارى تالقىلاندى.
مەملەكەت باسشىسى ءبىلىم بەرۋ ىسىندەگى كوشباسشىلاردىڭ ءبىرى بولىپ سانالاتىن ءبىلىم ورداسى ءبىزدىڭ ەل ءۇشىن دە بىلىكتى ماماندار دايارلاۋ ىسىنە ەلەۋلى ۇلەس قوسىپ وتىرعانىن ايتتى. ماسەلەن، بۇگىندە ۋنيۆەرسيتەتتە قازاقستاننان كەلگەن 500 دەن اسا ستۋدەنت وقىپ جاتىر، بۇل الەمنىڭ 150 ەلى ىشىندە ەكىنشى ورىنداعى كورسەتكىش بولىپ سانالادى.
ۆ. فيليپپوۆ نۇرسۇلتان نازاربايەۆقا ەلدەرىمىزدىڭ اراسىنداعى گۋمانيتارلىق ىنتىماقتاستىقتى دامىتۋعا، سونداي-اق قازاقستان مەن رەسەي جوعارى وقۋ ورىندارى اراسىنداعى تولىققاندى اكادەميالىق ىقپالداستىققا قولايلى جاعداي جاساۋعا كوڭىل ءبولىپ وتىرعانى ءۇشىن العىس ايتتى.
