ن. نازاربايەۆ ۇ ق ش ۇ ۇجىمدىق قاۋىپسىزدىك كەڭەسى سەسسياسىنا قاتىسادى
«ۇ ق ش ۇ سامميتىنە رەسەي فەدەراتسياسىنىڭ، ارمەنيا رەسپۋبليكاسىنىڭ، بەلارۋس رەسپۋبليكاسىنىڭ، قازاقستان رەسپۋبليكاسىنىڭ، قىرعىز رەسپۋبليكاسىنىڭ، تاجىكستان رەسپۋبليكاسىنىڭ پرەزيدەنتتەرى قاتىسادى. شارا بارىسىندا ايماقتىق قاۋىپسىزدىك پەن تۇراقتىلىقتى نىعايتۋدىڭ نەگىزگى ماسەلەلەرى مەن حالىقارالىق تەرروريزمگە قارسى ءتيىمدى كۇرەس جۇرگىزۋ تالقىلانادى» ، - دەلىنگەن ر ف پرەزيدەنتىنىڭ باسپا ءسوز قىزمەتىنىڭ حابارلاماسىندا.
رەسەي، ارمەنيا، بەلارۋس، قازاقستان جانە قىرعىزستان ج ە ە ك وتىرىسىندا ەۋرازيالىق ەكونوميكالىق وداق جۇمىسىنىڭ العاشقى جىلدارىنىڭ قورىتىندىلارى شىعارىلىپ، ينتەگراتسيالىق بىرىگۋدى ودان ءارى دامىتۋ ءۇشىن باعدارلار ايقىندالادى.
نورماتيۆتىك- قۇقىقتىق بازانى دامىتۋ، باسقا ينتەگراتسيالىق بىرلەستىكتەرمەن جانە ەلدەرمەن ىنتىماقتاستىقتى نىعايتۋ ماسەلەلەرى تالقىلانادى. ءبىرقاتار ۇيىمداستىرۋشىلىق اسپەكتىلەر قاراستىرىلادى، ونىڭ ىشىندە كەلەسى قارجىلىق جىلعا كەڭەس بيۋدجەتىن جانە ەۋرازيالىق ەكونوميكالىق كوميسسيا القاسىنىڭ جاڭا قۇرامىن بەكىتۋ دە بار.
