19:19, 25 - قاراشا 2015 | GMT +6
قازاقستان مەن ەۋروپالىق وداق ارىپتەستىك پەن ىنتىماقتاستىق تۋرالى جاڭا كەلىسىمگە قول قويادى - فوتو
استانا. قازاقپارات - قازاقتان رەسپۋبليكاسىنىڭ باس پروكۋراتۋراسىندا «قازاقستان رەسپۋبليكاسى - ەۋروپالىق وداق» تاقىرىبىندا ءادىل سوت پەن قۇقىقتىق ءتارتىپ جونىندەگى كىشى كوميتەتتىڭ 13- وتىرىسى ءوتتى.
«ءبىز ءۇش جىلدان بەرى ارىپتەستىك پەن ىنتىماقتاستىق تۋرالى جاڭا كەلىسىم ازىرلەۋدەمىز. وسى كەلىسىمگە قول قويىلعان سوڭ، قازاقستان مەن ەۋروپا اراسىنداعى قارىم-قاتىناستىڭ جاڭا كەزەڭى باستالادى»، - دەدى وتىرىستى اشقان ق ر باس پروكۋرورىنىڭ ءبىرىنشى ورىنباسارى يوگان مەركەل.
ول سونداي-اق، ەۋرووداق قازاقستاننىڭ ءىرى ساۋدا جانە ينۆەستيتسيالىق ارىپتەسى ەكەنىن جانە سوڭعى ون جىلدا قازاقستان پەن ەۋرووداق اراسىنداعى تاۋار اينالىم 13 ەسەگە وسكەنىن، قازاقستانعا كەلىپ جاتقان ينۆەستيتسيالاردىڭ 50 پايىزى ەۋروپا ەلدەرىنىڭ ۇلەسىندە ەكەنىن اتاپ ءوتتى.
وتىرىس بارىسىندا سوت جۇيەسىن جەتىلدىرۋ، كوشى-قون ماسەلەسى، ەسىرتكى جانە ادام ساۋداسىنا قارسى كۇرەستە قازاقستاننىڭ قانداي جۇمىستار جۇرگىزىپ جاتقانى تالقىلاندى.
