ءا. جاقسىبەكوۆ «الماتى» جانە «سارى ارقا» اۋداندارىنىڭ جاڭا اكىمدەرىن تانىستىردى
بۇگىن قالالىق ءماسليحاتتىڭ كەزەكتەن تىس سەسسياسىندا دەپۋتاتتار «الماتى» جانە «سارى ارقا» اۋداندارىنىڭ جاڭا اكىمدەرى قىزمەتىنە ۇسىنىلعان ەرماعانبەت قابدۋلا ۇلى بولەكپايەۆ پەن پاۆەل سەرگەيەۆيچ كۋلاگيننىڭ كانديداتۋرالارىن ءبىراۋىزدان قولدادى، دەپ حابارلادى ەلوردا اكىمدىگىنىڭ باسپا ءسوز قىزمەتى.
ادىلبەك جاقسىبەكوۆ ەكى اكىم دە ەڭبەك جولىندا وزدەرىن جاقسى جاعىنان كورسەتە بىلگەندىگىن، ءتۇرلى لاۋازىمداردى اتقارۋدا تاجىريبەلەرى مول ەكەندىگىن ايتتى.
ە. ق. بولەكپايەۆ بۇعان دەيىن سارى ارقا اۋدانىنىڭ اكىمى قىزمەتىن، وعان دەيىن مەملەكەتتىك قىزمەت ىستەرى جونىندەگى اگەنتتىك جۇيەسىندە، قاراعاندى جانە وڭتۇستىك قازاقستان وبلىستارىندا اگەنتتىكتىڭ اۋماقتىق باسقارمالارىندا باسشى، استانا قالاسى تارتىپتىك كەڭەسىنىڭ ءتوراعاسى قىزمەتتەرىن اتقارعان.
پ. س. كۋلاگين بۇعان دەيىن استانا قالاسىنىڭ كوممۋنالدىق شارۋاشىلىق باسقارماسىنىڭ باسشىسى، «الماتى» اۋدانىنىڭ اكىمى قىزمەتتەرىن اتقارعان.
ءا. جاقسىبەكوۆ سونداي- اق، اۋداندىق اكىمدىكتەر ۇجىمدارىنا الداعى كەزەڭگە مىندەتتەردى بەلگىلەپ بەردى.
