14:01, 23 - قاراشا 2015 | GMT +5
پرەمەر-مينيستر ءوڭىر اكىمدەرىنە يندۋستريالدىق جوبالارعا رەۆيزيا جۇرگىزۋدى تاپسىردى
استانا. قازاقپارات - ق ر پرەمەر-ءمينيسترى كارىم ءماسىموۆ ءوڭىر اكىمدەرىنە ي ي د مەملەكەتتىك باعدارلاماسىنىڭ ەكىنشى بەس جىلدىعى اياسىندا ىسكە اسىرىلىپ جاتقان يندۋستريالدىق جوبالارعا رەۆيزيا جۇرگىزۋدى تاپسىردى.
بۇنداي تاپسىرمانى ول بۇگىن ۇكىمەت وتىرىسىندا جۇكتەدى.
وسىنىڭ الدىندا ك. ماسىموۆ ق ر ينۆەستيتسيالار جانە دامۋ ءمينيسترى اسەت يسەكەشيەۆكە 2016-جىلدىڭ 1- ناۋرىزىنا دەيىن باعدارلامانى جەتىلدىرۋ تۇرعىسىندا كەلىسىلگەن جوباسىن ۇكىمەتكە ەنگىزۋدى تاپسىردى.
ايتا كەتەيىك، ۇكىمەت وتىرىسى وڭىرلەردىڭ قوسىلۋىمەن سەلەكتورلىق رەجىمدە ءوتىپ جاتىر. ونىڭ بارىسىندا مەملەكەت باسشىسىنىڭ تارپسىرمالارىن جۇزەگە اسىرۋ شارالارى قارالۋدا.
اۆتور: رۋسلان عابباسوۆ
