ەلباسى قازاقستاندىقتاردى وتاندىق تاۋاردى ساتىپ الۋعا شاقىردى
نىساندى ارالاۋ بارىسىندا كاسىپورىن قىزمەتىمەن جانە ونىڭ وندىرىستىك سەحى جۇمىسىمەن تانىستى، دەپ حابارلادى اقوردانىڭ باسپا ءسوز قىزمەتىنەن.
سونىمەن قاتار، مەملەكەت باسشىسى قالاداعى جەڭىل ونەركاسىپتىڭ ءىرى جانە ورتاشا كاسىپورىندارى ونىمدەرىنىڭ كورمەسىن ارالاپ كوردى.
نۇرسۇلتان نازاربايەۆ كاسىپورىن ۇجىمىمەن اڭگىمە بارىسىندا وتاندىق وندىرۋشىلەردى حالىقتىڭ قولداۋى ماڭىزدى ەكەنىن ايتىپ ءوتتى.
بارشا قازاقستاندىقتارعا ءوزىمىزدىڭ وتاندىق تاۋارلاردى، سونىڭ ىشىندە «Мade in Kazakhstan» بەلگىسى بار اياق كيىمدەر مەن كوستيۋمدەردى ساتىپ الۋ قاجەتتىگىن ايتقىم كەلەدى. ەگەر جەڭىل ونەركاسىپ ىلگەرى باساتىن بولسا، سالا كاسىپورىندارىندا جۇمىس ىستەيتىندەر ەڭبەكاقى الىپ، مەملەكەتكە سالىق تولەيدى. بۇل بارىنە ءتيىمدى - بيۋدجەتكە ءتۇسىم تۇسەدى، ەلدە ءوزىمىزدىڭ وندىرگەن تاۋارلارىمىز پايدا بولادى. بۇل ورايدا ءونىم ساپاسىن ۇدايى جەتىلدىرىپ وتىرعان ءجون، - دەدى قازاقستان پرەزيدەنتى.
***
«قاز جەڭىل ونەركاسىپ - الماتى» ج ش س - اياق كيىم مەن كيىم، سونىڭ ىشىندە اسكەريلەر مەن كۇشتىك قۇرىلىمدارىنا ارنالعان كيىمدەر شىعاراتىن ءىرى ونەركاسىپتىك كاسىپورىن. فابريكا جۇمىس ىستەي باستاعان 2011 -جىلدان بەرى جۇمىسشىلارىنىڭ سانى 15 ەسەگە ارتتى.
قازىرگى كەزدە كاسىپورىننىڭ وندىرىستىك قۋاتى جىلىنا 1,5 ميلليون تىگىن ونىمدەرى مەن 400 جۇپ اياق كيىم شىعارۋعا جەتەدى. شىعارىلاتىن ءونىم تۇگەلدەي س ت- KZ سەرتيفيكاتىن يەلەنگەن، مۇنداعى قازاقستاندىق قامتۋ ۇلەسى 50-75 پايىز بولادى. سوڭعى ەكى جىلدا ءوندىرىس كولەمى 6,8 ەسەگە ۇلعايىپ، 393 ميلليون تەڭگەدەن 2,7 ميلليارد تەڭگەگە جەتتى.
