ەلباسى ەلشىلەردىڭ سانى مەن ساپاسىن سىنعا الدى
ەلباسى ءوز سوزىندە ەلىمىزگە ينۆەستيتسيا تارتۋ ماسەلەسىمەن اينالىساتىن ءبىر ادام بولۋى كەرەكتىگىن، قاجەت بولسا، وعان ارنايى مارتەبە بەرۋ قاجەتتىگىن اتاپ ءوتتى.
«سىرتقى ىستەر مينيسترلىگى ونسىز دا وسىمەن اينالىسۋى ءتيىس. باسقا نەمەن اينالىسپاق؟ ءبىز الەمدىك ساياسات پەن ديپلوماتيانى ايقىندايتىن دەرجاۆا ەمەسپىز»، - دەدى ق ر پرەزيدەنتى.
وسى رەتتە مەملەكەت باسشىسى قاي ەلگە بارساڭ دا، ەلشىلەردىڭ نەمەن اينالىساتىندىعىن بىلمەيتىندىگىن سىنعا الدى.
«ءوز ىستەرىن، ەكونوميكانى ءتىپتى دە بىلمەيدى. سوندىقتان دا باعدار مىناداي بولۋى كەرەك. بۇل جايىندا ءبىز مينيسترلىك كەزدەسۋلەرىندە، القا ماجىلىستەرىندە ايتاتىن بولامىز. بارلىق جەردە قاجەت بولسىن، بولماسىن ەلشىلىكتەر نەگىزسىز ۇلعايتىلعان. مينيسترلىكتە مۇنداي ەلشىلەر قانشاما؟ ال بىزدەرگە قازىرگى ۋاقىتتا مۇنىڭ قاجەتى جوق. بىزدەرگە قازىرگى ۋاقىتتا قازاقستاننىڭ مۇددەسى بار جەرلەردە قانا وكىلدىك قاجەت»، - دەدى ن. نازاربايەۆ.
