اقوردادا ەلباسى توراعالىعىمەن ۇكىمەتتىڭ كەڭەيتىلگەن وتىرىسىندا ءۇش ماسەلە قارالۋدا

استانا. قازاقپارات - اقوردادا ەلباسى نۇرسۇلتان نازاربايەۆتىڭ توراعالىعىمەن ق ر ۇكىمەتىنىڭ كەڭەيتىلگەن وتىرىسى باستالدى.

وتىرىستى اشقان ق ر پرەزيدەنتى بۇگىنگى ۇكىمەتتىڭ كەڭەيتىلگەن وتىرىسىندا ءۇش ماسەلە قارالاتىندىعىن اتاپ ءوتتى.

 «ءبىرىنشىسى، بيىلعى جىلعى ەكونوميكانىڭ قالاي كەلە جاتقانى، ونىڭ ىشىندە جاساعان جۇمىسىمىز جونىندە ە. دوسايەۆ باياندايتىن بولادى. ەكىنشى ماسەلە، ءبىزدىڭ ۇلتتىق باعدارلامامىز - يننوۆاتسيالىق- يندۋسترالدى باعدارلامانىڭ ورىندالۋى تۋرالى ءا. يسەكەشيەۆ ايتاتىن بولادى. «سامۇرىق- قازىنانىڭ» بەرىلگەن تاپسىرمالاردى ورىنداۋ بارىسىن ءو. شوكەيەۆ مىرزا باياندايتىن بولادى»، - دەدى مەملەكەت باسشىسى.

سونىمەن قاتار ق ر پرەزيدەنت بيىلعى جىل ەلىمىز ءۇشىن وڭاي بولىپ وتىرماعاندىعىن باسا ايتتى.