يمانعالي تاسماعامبەتوۆ وندىرىستەگى قايعىلى وقيعالاردى بولدىرماۋ جونىندە تاپسىرما بەردى

 استانا. قازاقپارات - بۇگىن ق ر قورعانىس ءمينيسترى يمانعالي تاسماعامبەتوۆ ۆەدومستۆودا اپپاراتتىق كەڭەس وتكىزدى.

 وندا كادەگە جاراتۋ قالدىقتارىن جويۋ كەزىندە 8 - قاراشادا ارىس قالاسىنىڭ ماڭىنداعى پوليگوندا ورىن العان وقيعانى بولدىرماۋ تۋرالى ماسەلە قارالدى. بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلايدى.

ودان باسقا، « قازتەحنولوگيا» ج ش س- نىڭ باسشىسىنا الداعى ۋاقىتتا وسىنداي وقيعالاردى بولدىرماۋ جانە روبوت تەحنيكانى ەنگىزۋ پايداسىنىڭ اسىرىلۋىنا ادامي رەسۋرستاردى قولدانۋدى بارىنشا ازايتۋ كوزدەلەتىن جاڭا تەحنولوگيالار مەن كادەگە جاراتۋ ادىستەرىن، جۇيەلەرىن ازىرلەۋ تۋرالى تاپسىرمالار بەرىلدى.

 بۇگىنگى تاڭدا اتالعان وقيعانى تەكسەرۋمەن 2007 - جىلعى 15 - مامىرداعى ق ر ەڭبەك كودەسىنىڭ №252-ІІІ زاڭى 326-بابى، 7-تارماعىنا سايكەس وڭتۇستىك قازاقستان وبلىسىنىڭ ەڭبەكتى باسقارۋ رەسمي كوميستسياسى اينالىسىپ جاتقانىن اتاپ ءوتۋ قاجەت.