ءا. بايمەنوۆ مەملەكەتتىك قىزمەت سالاسىنداعى ساپانى ارتتىرۋدىڭ فاكتورلارىن اتادى

استانا. قازاقپارات - مەملەكەتتىك قىزمەت سالاسىندا وزىق ەلدەردىڭ تاجىريبەسىن زەردەلەۋىمىز كەرەك، الايدا ەشقايسىسىن كوشىرمەۋىمىز قاجەت.

بۇگىن مەملەكەتتىك قىزمەت سالاسىنداعى وڭىرلىك حابتىڭ باسقارۋشى كوميتەتىنىڭ ءتوراعاسى ءاليحان بايمەنوۆ وسىلاي ءمالىم ەتتى.

 «ساپانى ارتتىرۋ بىرنەشە فاكتورعا بايلانىستى. بىرىنشىدەن، دۇرىس زاڭناما قابىلداۋ. ءبىراق كەز كەلگەن شەتەلدىڭ زاڭىن كوشىرىپ الىپ، پايدالانۋعا بولمايدى. مىسالى، ەگەر كيىم تار بولسا، ول ادامدى قىسىپ تاستايدى. سوندىقتان ءبىز وزىق ەلدەردىڭ تاجىريبەسىن زەردەلەۋىمىز كەرەك، الايدا ەشقايسىسىن كوشىرمەۋىمىز قاجەت.

ەكىنشى ماسەلە - ءاربىر مينيسترلىكتىڭ، ءاربىر اكىمدىكتىڭ ىشكى جۇمىسىنىڭ ىرعاقتىلىعىن قامتاماسىز ەتۋ، ياعني شەشىم قابىلدانعانداعى ساراپشىلاردىڭ پىكىرى ەسەپتەلۋى كەرەك، سونداي- اق حالىقتىڭ ۇسىنىسى نازارعا الىنۋى قاجەت»، - دەدى ءا. بايمەنوۆ استاناداعى «مەملەكەتتىك قىزمەتتىڭ دەربەستىگى» تاقىرىبىنداعى سەميناردا.

سونىمەن قاتار ول قازىرگى زاماناۋي تەحنولوگيالاردى پايدالانا وتىرىپ، حالىققا كورسەتىلەتىن قىزمەتتەردىڭ ساپاسىن كوتەرۋ كەرەكتىگىن اتاپ ءوتتى.

«مىنە، وسىنىڭ بارلىعى بىرىگىپ كەلگەندە مەملەكەتتىك قىزمەتتىڭ، مەملەكەتتىڭ اپپاراتتىڭ ساپالى جۇمىس جاساۋىنا الىپ كەلەدى»، - دەدى ءا. بايمەنوۆ.

 ايتا كەتەيىك، سەميناردى استاناداعى مەملەكەتتىك قىزمەت سالاسىنداعى وڭىرلىك حاب، ەكونوميكالىق ىنتىماقتاستىق جانە دامۋ ۇيىمى، ق ر ۇلتتىق ەكونوميكا مينيسترلىگى بىرلەسىپ، نازاربايەۆ ۋنيۆەرسيتەتىنىڭ جوعارى مەملەكەتتىك ساياسات مەكتەبى جانە ب ۇ ۇ  د ب قولداۋىمەن ۇيىمداستىردى. ونىڭ جۇمىسىنا ەلىمىزدىڭ ورتالىق مەملەكەتتىك ورگاندارىنىڭ جاۋاپتى حاتشىلارى مەن وبلىس اكىمدىكتەرىنىڭ اپپارات باسشىلارى، سونداي- اق ب ۇ ۇ  د ب- نىڭ قازاقستانداعى تۇراقتى وكىلىنىڭ ورىنباسارى مۋنحتۋيا التانگەرەل، ە ى د ۇ مەملەكەتتىك سەكتوردى رەفورمالاۋ باسقاراماسىنىڭ باسشىسى ەدۆين لاۋ، كانادا باسقارۋ ينستيتۋتىنىڭ پرەزيدەنتى ماريانتونەتت فليۋمەن، نيدەرلاندى جوعارى مەملەكەتتىك قىزمەتىنىڭ بۇرىنعى باس ديرەكتورى يان ۆيللەم ۆەك جانە سالاداعى باسقا دا شەتەلدىك بىلىكتى ماماندار قاتىسۋدا.

اۆتور: رۋسلان عابباسوۆ